ટંકારાની ખીજડીયા ચોકડી પાસેથી ખોવાયેલા રૂ.15,500 શોધી મુળ માલિકને પરત કરાયા
ટંકારા: ” તેરા તુજકો અર્પણ” કાર્યક્રમ અંતર્ગત ટંકારાની ખીજડીયા ચોકડી નજીકથી ખોવાયેલ રૂપીયા-૧૫,૫૦૦/- શોધી કાઢી મુળ માલીકને ટંકારા પોલીસે દ્વારા પરત કરવામાં આવ્યા છે.
ટંકારા પોલીસ ઇન્સ્પેકટર કે.એમ. છાસીયાના સુપરવિઝન હેઠળ ટંકારા પોલીસ સ્ટેશનના અરજદાર ગોવિંદભાઈ લાખાભાઈ ગોહિલ ઉ.વ-૫૦ રહે. લજાઇ તા.ટંકારા જી.મોરબી વાળા ખીજડીયા ચોકડીએ કામ સબબ આવતા ખીજડીયા ચોકડીએ તેઓના પેન્ટના ખીસ્સામાં રહેલ રોકડ રૂપીયા ૧૫,૫૦૦/- પડી ગયેલ હોય જે અંગેની જાણ ટંકારા પોલીસ સ્ટેશને કરતા ટંકારા પોલીસ સ્ટેશનના પોલીસ હેડ કોન્સ્ટેબલ શાહિદભાઈ સીદીકી તથા પોલીસ કોન્સ્ટેબલ બીપીનકુમાર શેરશીયા, કરણભા વસાભા વિગેરે સ્ટાફનાએ તાત્કાલીક બનાવ સ્થળે આજુબાજુમાં આવેલ દુકાન, પાનના ગલ્લા, રોડ રસ્તે આવતા જતા ઇસમોની પુછપરછ કરી સ્થળ પર તપાસ કરતા અરજદારનુ ખોવાયેલ પાકીટ રોકડા રૂપીયા તથા અસલ ડોક્યુમેન્ટ સાથે મળી આવતા મળી આવેલ રોકડા રૂપીયા-૧૫,૫૦૦/- મુળ માલીકને પરત સોપી પોલીસ પ્રજાનો મીત્ર હોવાના સુત્રને સાર્થક કરતી ટંકારા પોલીસ.
