ટંકારાના નસીતપર ગ્રામ પંચાયતના ઉપસરપંચ પદે સુરેશભાઈ મેરજાની બિનહરીફ વરણી
ટંકારા તાલુકાના નસીતપર ગ્રામ પંચાયતમાં ખાલી પડેલ ઉપસરપંચ પદે સુરેશભાઈ રામજીભાઈ મેરજાની બીનહરીફ વરણી કરવામાં આવી છે.
મળતી માહિતી મુજબ ટંકારા તાલુકાના નસીપર ગ્રામ પંચાયતના ઉપસરપંચ દ્વારા અગાઉ કોઈ અંગત કારણોસર રાજીનામું આપી દીધું હતું. જેમાં ઉપસરપંચના ખાલી પડેલા પદે નસીતપર ગ્રામ પંચાયતના સરપંચ રમેશભાઈ કુંડારીયાના અધ્યક્ષ સ્થાને તથા ગ્રામ પંચાયતના તમામ સદસ્યોની ઉપસ્થિતિમાં પંચાયતના સભ્ય તરીકે કાર્યરત સુરેશભાઈ રામજીભાઈ મેરજાની ઉપસરપંચ તરીકે બિનહરીફ વરણી કરવામાં આવતા ગ્રામ પંચાયતના સરપંચ તથા સભ્યો અને ગ્રામજનો દ્વારા સુરેશભાઈ મેરજાને શુભેચ્છા પાઠવવા આવી હતી.
