દેશની સૌથી મોટી બેંક, સ્ટેટ બેંક ઑફ ઇન્ડિયા (એસબીઆઇ) એ તેની મંજૂરીવાળી પ્રોજેક્ટ ઑફર હેઠળ હોમ લોનના વ્યાજ દરમાં ઘટાડો કર્યો છે.આ કપાત બાદ, બેંકનો પ્રારંભિક વ્યાજ દર ઘટીને 6.70% પર આવી ગયો છે. આ વ્યાજ દર કોઈપણ બેંક અથવા NBFC કરતા ઓછા છે.એટલું જ નહીં, એસબીઆઇના માન્ય પ્રોજેક્ટ્સ હેઠળ લોન માટે અરજી કરવા માટે પ્રોસેસિંગ ફી પણ ચૂકવવાની રહેશે નહીં.આ ઑફરનો લાભ 31 માર્ચ 2021 સુધી મેળવી શકાસે.
યોનો એપ્લિકેશનથી અરજી કરવા પર વધારાની છૂટ મળશે
બેંકના જણાવ્યા મુજબ, 75 લાખ સુધીની લોન પરના વ્યાજ દર 6.7% થી શરૂ થશે અને 75 લાખથી વધુની લોન માટે, વ્યાજ દર 6.75% થી શરૂ થશે.જો કોઈ ગ્રાહક યોનો એપ્લિકેશન દ્વારા લોન માટે અરજી કરે છે, તો તેને 0.50% નો વધારાનો લાભ મળશે.એસબીઆઈ હોમ લોનના વ્યાજ દર તમારા સીબીલ સ્કોર પર આધારિત છે.
કોઈ પ્રોસેસિંગ ફી નથી
એસબીઆઈએ હોમ લોન રેટ ઘટાડવાની સાથે ઘર ખરીદનારાઓને બીજો ફાયદો આપ્યો છે.હવે, ઘરની ખરીદી માટે લોન પર કોઈ પ્રોસેસિંગ ફી લેવામાં આવશે નહીં.એટ્લે કે, તમે તમારી કુલ લોન પર લગભગ 1% વધુ બચત કરી શકો છો.પ્રોસેસિંગ ફી સામાન્ય રીતે 0.8% થી 1% ની વચ્ચે હોય છે.20 લાખની લોન પર, તમારે 18 થી 20 હજાર રૂપિયાની પ્રોસેસિંગ ફી ચૂકવવી પડતી હોય છે.
હોમ લોનનો ધંધો 5 લાખ કરોડને પાર
એસબીઆઇએ કહ્યું કે હોમ લોન સેગમેન્ટમાં તેનો માર્કેટ હિસ્સો 34% છે.જ્યારે સરેરાશ 1000 જેટલા ગ્રાહકો દરરોજ એસબીઆઈ લોન પર પ્રક્રિયા કરી રહ્યા છે.બેંકનો હોમ લોનનો ધંધો રૂ .5 લાખ કરોડને પાર કરી ગયો છે.
PMAY ને પ્રોત્સાહન મળી રહ્યું છે
પ્રધાનમંત્રી આવાસ યોજના (પીએમએવાય) હેઠળ SBI વધુ અને વધુ લોન મંજુર કરી રહી છે.ડિસેમ્બર 2020 સુધીમાં, PMAY હેઠળ 1,94,582 હોમ લોન મંજૂર કરવામાં આવી છે.SBI શહેરી આવાસ વિકાસ મંત્રાલયની તરફ થી PMAY સબસિડી પર પ્રક્રિયા કરવા માટે કેન્દ્રિય નોડલ એજન્સી તરીકે ડિજાઈન કરવામાં આવેલ એકમાત્ર બેન્ક છે.
