કોરોના વાયરસની બીજી લહેર દેશમાં વિનાશ સર્જી રહી છે અને આ દરમિયાન રસીકરણ પર ભાર મૂકવા માટે આવતા અઠવાડિયાથી સ્પુતનિક-વી રસી પણ બજારમાં ઉપલબ્ધ થશે. આ ઉપરાંત ટૂંક સમયમાં જ બજારમાં વધુ એક કોરોનાની દવા ઉપલબ્ધ થશે, જેનાથી કોરોનાના દર્દીઓને ઘણી રાહત મળી શકે છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશનના અધિકારીઓએ માહિતી આપી હતી કે કોરોનાની દવા 2ડીજીના 10,000 ડોઝની પ્રથમ બેચ આવતા અઠવાડિયે બજારમાં ઉપલબ્ધ થશે. આ દવા કોરોનાના દર્દીઓને ઝડપથી મટાડે છે અને ઓક્સિજન પરની તેમની નિર્ભરતા ઘટાડે છે. ડીઆરડીઓના ઉત્પાદકોએ માહિતી આપી હતી કેભવિષ્યના ઉપયોગ માટે દવાના ઉત્પાદકો દવાના ઉત્પાદનને વેગ આપવા પર કામ કરી રહ્યા છે. તમને જણાવી દઈએ કે આ દવા ડીઆરડીઓની ટીમે વિકસાવી છે. કટોકટીના સમયે વરદાન ગણાતી આ દવા તૈયાર કરવા પાછળ ત્રણ વૈજ્ઞાનિકોનો હાથ છે. જેમાં ડૉ. સુધીર ચાંદના, ડો. અનંત નારાયણ ભટ્ટ અને ડો. અનિલ મિશ્રા.
2-ડીજી (2-ડીઓક્સી-ડી-ગ્લુકોઝ) દવાને એવા સમયે મંજૂરી આપવામાં આવી છે જ્યારે ભારત કોરોના વાયરસના રોગચાળાની બીજી લહેરથી ઘેરાયેલું છે અને દેશના આરોગ્ય માળખા પર ભારે દબાણ છે. મહત્વની વાત એ છે કે આ દવા પાવડરના રૂપમાં પેકેટમાં આવે છે, તેને પાણીમાં ઓગાળીને તેનું સેવન કરવું પડે છે. આ દવા અંગે સંરક્ષણ મંત્રાલયે કહ્યું હતું કે કોવિડ-19ની બીજી લહેરને કારણે મોટી સંખ્યામાં દર્દીઓને હોસ્પિટલમાં દાખલ કરવા પડી રહ્યા છે અને ઓક્સિજનની જરૂર પડી રહી છે. દવા સંક્રમિત કોશિકાઓ પર કામ કરતી હોવાથી આ દવા કિંમતી જીવનને બચાવશે તેવી અપેક્ષા છે. તે કોવિડ-19 દર્દીઓને હોસ્પિટલમાં દાખલ કરવાની અવધિને પણ ઘટાડે છે. ગયા વર્ષે કોરોના રોગચાળો ફાટી નીકળ્યા બાદ વડા પ્રધાન નરેન્દ્ર મોદીએ તૈયારીઓની હાકલ કરી હતી, જે પછી ડીઆરડીઓએ આ દવા પર કામ કરવાનું શરૂ કર્યું હતું.
