જો તમે કોરોના સમય દરમિયાન પૈસાની ચિંતા કરો છો અને તમારી બચત પર વધુ વ્યાજ મેળવવા માંગો છો, તો ફિક્સ્ડ ડિપોઝિટ (એફડી) યોજનાઓમાં રોકાણ કરવું એ એક સારો વિકલ્પ સાબિત થઈ શકે છે. બેંકમાં ફિક્સ્ડ ડિપોઝિટ કરવી એ રોકાણનો સૌથી સરળ અને સુરક્ષિત વિકલ્પ માનવામાં આવે છે.જેમાં રોકાણકારને નિશ્ચિત અંતરે નિશ્ચિત વળતર આપવાનું નક્કી હોય છે અને સાથે જ બજારની ઉતાર ચઢાવની કોઈ અસર તેના પર થતી નથી. ચાલો જાણીએ કે દેશની સૌથી મોટી બેન્કો સ્ટેટ બેંક ઓફ ઇન્ડિયા (એસબીઆઈ), એચડીએફસી, આઇસીઆઇસીઆઇ બેંક અને એક્સિસ બેંક એફડી પર વરિષ્ઠ નાગરિકોને કેટલઉં વ્યાજ ચૂકવી રહી છે.
એસબીઆઈ
એસબીઆઈ વરિષ્ઠ નાગરિકોને વિશેષ એફડી યોજના હેઠળ સામાન્ય લોકોને 80 બેસિસ પોઇન્ટ (બીપીએસ) વધુ વ્યાજ આપે છે. જો વરિષ્ઠ નાગરિકો વિશેષ એફડી યોજના હેઠળ રકમ જમા કરાવે છે, તો તેમને એફડી પર 6.20 ટકા વ્યાજ દર મળે છે.
એચડીએફસી બેંક
એચડીએફસી બેન્ક સિનિયર સિટીઝનને ડિપોઝિટ પર 75 બીપીએસ વધારે વ્યાજ દર આપે છે. જો કોઈ સિનિયર સિટીઝન એચડીએફસી બેંકના સિનિયર સિટીઝન કેર એફડી હેઠળ ટર્મ જમા કરાવે તો એફડીને લાગુ પડતો વ્યાજદર 6.25 ટકા રહેશે.
આઈસીઆઈસીઆઈ બેંક
આઈસીઆઈસીઆઈ બેન્ક ડિપોઝિટ પર 80 બીપીએસ વધુ વ્યાજ દર આપે છે. આઈસીઆઈસીઆઈ બેંક ગોલ્ડન યર એફડી સ્કીમ સિનિયર સિટીઝનને વાર્ષિક ૬.૩૦ ટકાનો વ્યાજ દર આપે છે.
બેંક ઓફ બરોડા
બેંક ઓફ બરોડા વરિષ્ઠ નાગરિકોને ફિક્સ્ડ ડિપોઝિટ પર ૧૦૦ બેસિસ પોઇન્ટ વધુ વ્યાજ આપે છે. જો કોઈ વરિષ્ઠ નાગરિક સ્પેશિયલ એફડી સ્કીમ (પાંચ વર્ષથી 10 વર્ષ) હેઠળ ફિક્સ્ડ ડિપોઝિટ જાળવે તો એફડીને લાગુ વ્યાજ દર 6.25 ટકા રહેશે. આ દરો ૧૬ નવેમ્બરથી લાગુ છે.
યોગ્ય એફડી પસંદ કરો.
બેંકો દરેક સમયગાળા માટે એફડી પર અલગ વ્યાજ દર ચૂકવે છે. રોકાણના લક્ષ્યાંકને જોઈને યોગ્ય સમયગાળો અને ઉચ્ચ વ્યાજ દર પસંદ કરો. પૈસા મૂકતા પહેલા બેંકની વિશ્વસનીયતા તપાસો અને ક્રિસિલ, ઇક્રા પર રેટિંગ તપાસો.ચુકવણીની પદ્ધતિઓ વિશે જાણો. બેંકો સંચિત એફડીમાં વ્યાજ દરની ચુકવણી ફક્ત પરિપક્વતા સમયગાળા પર જ કરે છે. બિન-સંચિત એફડી પર વ્યાજની ચુકવણી વિકલ્પ હેઠળ ત્રિમાસિક, અર્ધવાર્ષિક અથવા વાર્ષિક હોઈ શકે છે.
