નિરૂબેનનગર ગામ પાસેથી એક ઇસમ ગેર કાયદેસર દેશી બનાવટના તમંચા સાથે પકડાયો

માળીયા (મી) વિસ્તારમાં પીપળીયા ચાર રસ્તાથી આગળ નિરૂબેનનગર ગામના ગેઇટ પાસે રોડ ઉપરથી એક ઇસમને ગેર કાયદેસર દેશી હાથ બનાવટના તમંચા સાથે પકડી પાડતી એસ.ઓ.જી.ટીમ મોરબી

પોલીસ મહાનિરીક્ષક અશોકકુમાર યાદવ રાજકોટ વિભાગ રાજકોટનાઓ દ્વારા તેમજ પોલીસ અધિક્ષક રાહુલ ત્રિપાઠી, મોરબી જિલ્લાનાઓએ ગેરકાયદેસર હથિયારો રાખતા ઇસમો તેમજ અસામાજીક પ્રવૃત્તિ આચરતા ઇસમો શોધી કાઢી ધોરણસરની કાર્યવાહી કરવા ખાસ ઝુંબેશ રાખેલ હોય જે અન્વયે એમ.પી.પંડ્યા, પોલીસ ઇન્સ્પેકટર, એસ.ઓ.જી.મોરબીના માર્ગદર્શન હેઠળ એસ.ઓ.જી.ચાર્ટર મુજબની કામગીરી કરવા એસ.ઓ.જી.સ્ટાફ માળીયા વિસ્તારમાં પેટ્રોલીંગમાં હતા એ દરમિયાન પોલીસ હેડ કોન્સ, જુવાનસિંહ ભરતસિંહ રાણા તથા પોલીસ કોન્સ. આશીકભાઇ રહીમભાઇ તથા ભાવેશભાઇ માવાભાઇ મિયાત્રાને બાતમી મળેલ કે, એક ઇસમ જેને શરીરે કાળા કલરનું ટી-શર્ટ તથા રાખોડી કલરનું જીન્સનુ પેન્ટ પહેરેલ છે અને હાલે આ ઇસમ નિરૂબેનનગર ગામના ગેટ પાસે રોડની બાજુમાં ઉભો છે અને તેની પાસે એક દેશી હાથ બનાવટનો તમંચો છે. તેવી બાતમી હકીકત આધારે સદરહુ જગ્યાએ રેઇડ કરતા મળેલ હકીકત મુજબના વર્ણન વાળો ઇસમ નીચે જણાવ્યા મુજબના નામ સરનામા તથા મુદામાલ સાથે મળી આવતા તેના વિરૂધ્ધ માળીયા (મી) પોલીસ સ્ટેશન ખાતે આર્મ્સ એકટ મુજબ ગુનો રજીસ્ટર કરાવેલ છે.

પકડાયેલ આરોપીનું નામ સરનામુ :-

સમીર હનીફભાઇ મોવર જાતે મીયાણા ઉવ.૨૪ ધંધો ખેતી રહે.અંજીયાસર તા.માળીયા (મી) જી.મોરબી

પકડાયેલ મુદામાલની વિગત –

ગે.કા.દેશી હાથ બનાવટનો તમંચો નંગ-૧, કિં.રૂ.૫,૦૦૦/-