મોરબીની ત્રાજપર ચોકડીથી ગુમ થયેલ બાળકનું માતપિતા સાથે મીલન કરાવતી સિટી બી ડિવિઝન SHE TEAM
મોરબીના સામાકાંઠે આવેલ ત્રાજપર ચોકડીથી ગુમ થયેલ બાળનુ તેમના માતાપિતા સાથે મોરબી સીટી બી ડીવીઝન પોલીસની “SHE TEAM” મીલન કરાવ્યું છે.
મોરબી સીટી બી ડીવીઝન પોલીસ સ્ટેશનનો સ્ટાફ પેટ્રોલીંગમાં હોય તે દરમ્યાન આજે તા.૨૬/૦૩/૨૦૨૫ ના રોજ આશરે ત્રણેક વાગ્યે ત્રાજપર ચોકડી પાસેથી આશરે ઉ.વ.૫ નુ વાલીવારસ વગરનુ બાળક મળી આવતા જેથી તેને સાથે રાખી તુરંત સ્થળ ઉપર બાળકના વાલીવારસ શોધવા પ્રયત્નો કરેલ પરંતુ વાલીવારસ મળી આવેલ નહિ જેથી પોલીસ સ્ટેશન ખાતે લઇ આવેલ અને મોરબી સીટી બી ડીવીઝન પોલીસ સ્ટેશનની સી ટીમે બાળકનો કબ્જો સંભાળી અને તેના વાલી વારસ શોધવા માટે કવાયત શરૂ કરતા સી ટીમના સ્ટાફે ગુજરાતીમાં બોલતા બાળકને કાલીધેલી ભાષા આધારે સમજવાનો પ્રયત્ન કરી અને બાળકને સાથે રાખી તેના વાલીને શોધવા કવાયત કરી ખુબજ ટુંકા સમયમાં મોરબી ઇન્દીરાનગર માં રહેતા નામે નવઘણભાઇ સુંદરજીભાઇ ધોળકિયા જાતે કોળી ઉ.વ.૨૯ ધંધો ડ્રાઇવીંગ રહે. ઇન્દીરાનગર મેલડીમાં ના મંદીરની બાજુમાં મોરબી-૨ વાળાને શોધી ખાત્રી કરી અને મળી આવેલ બાળક ઉ.વ.૫ વાળાને તેના માતા પિતાને સોંપી આપેલ હતો અને માતા પિતા તેના બાળકને શોધતા હોય બાળક મળી જતા રાહતનો શ્વાસ લીધેલ હતો આમ એક બાળકને તેના માતા પિતા સાથે મિલન કરાવવામાં મોરબી સીટી બી ડીવી પોલીસ “SHE TEAM” ને સફળતા મળેલ છે.
