મોરબીમાં રહેણાંક મકાનમાંથી વિદેશી દારૂની 66 બોટલો સાથે એક ઝડપાયો; એક ફરાર
મોરબી શહેરમાં દેશી તેમજ વિદેશી દારૂની રેલમછેલ બોલી રહી છે ત્યારે મોરબીના શનાળા રોડ પર આવેલ ન્યુ ગુજરાત હાઉસિંગ બોર્ડમાં રહેતા આરોપીના રહેણાંક મકાનમાંથી વિદેશી દારૂની ૬૬ બોટલો સાથે એક ઈસમને મોરબી સીટી એ ડીવીઝન પોલીસે ઝડપી પાડયો છે જ્યારે અન્ય એક શખ્સને ફરાર દર્શાવી આરોપીને ઝડપી પાડવા તપાસ હાથ ધરી છે.
મળતી માહિતી મુજબ મોરબી સિટી એ ડિવિઝન પોલીસ ટીમ પેટ્રોલિંગમા હોય તે દરમ્યાન મોરબીના શનાળા રોડ પર આવેલ ન્યુ ગુજરાત હાઉસિંગ બોર્ડમાં બ્લોક નં -એમ. -૬૮ ફ્લેટ નં -૩૭૬ મા રહેતા આરોપી મનોજભાઇ કિશોરભાઈ ખારેચા એ વેચાણ કરવાના ઈરાદાથી પોતાના કબ્જા ભોગવટા વાળા રહેણાંક મકાનમાં રાખેલ ઈંગ્લીશ દારૂની બોટલ નંગ -૬૬ કિં રૂ. ૨૪૩૬૬ ના મુદ્દામાલ સાથે આરોપીને ઝડપી પાડયો હતો જ્યારે અન્ય એક શખ્સ દિગુભા જાડેજા રહે. કુબેર ટોકીઝ શોભેશ્વર રોડ મોરબીવાળો સ્થળ પર હાજર ન મળી આવતા પોલીસે બંને ઈસમો વિરૂદ્ધ મોરબી સીટી એ ડીવીઝન પોલીસ સ્ટેશનમાં પ્રોહીબીશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.
