મોરબીનાં પીપળી રોડ પર જુગાર રમતા બે ઝડપાયાં
મોરબીના સામાકાંઠે મહેન્દ્રનગર પીપળી રોડ પર રોયલ પાર્ક સામે જાહેરમાં તીનપત્તીનો જુગાર રમતા બે ઈસમોને મોરબી સીટી બી ડિવિઝન પોલીસે ઝડપી પાડયા છે.
મળતી માહિતી મુજબ મોરબી સિટી બી ડીવીઝન પોલીસ પેટ્રોલિંગમા હોય તે દરમ્યાન મોરબીના સામાકાંઠે મહેન્દ્રનગર પીપળી રોડ પર રોયલ પાર્ક સામે જાહેરમાં તીનપત્તીનો જુગાર રમતા બે ઈસમો હસમુખભાઇ જંયતીભાઇ સોલંકિ ઉ.વ.૪૫ રહે. ઘુટુ ગામ નવસર્જન સ્કુલની પાછળ તા.જી. મોરબી તથા મહેશભાઇ કરમણભાઇ વકાતર ઉ.વ.૩૫ રહે. મહેન્દ્રનગર શીતળા માતાજી વિસ્તાર મોરબીવાળાને રોકડ રકમ રૂ. ૧૪૬૦ ના મુદ્દામાલ સાથે ઝડપી પાડી આરોપીઓ વિરુદ્ધ મોરબી સીટી બી ડિવિઝન પોલીસ સ્ટેશનમાં જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.
