મોરબીના નવા ધરમપુર ગામે તીનપત્તીનો જુગાર રમતા સાત મહિલા ઝડપાઇ
મોરબી: હાલ શ્રાવણ માસ શરૂ છે ત્યારે જાણે જુગારીઓની મોસમ આવી હોય તેમ પુરુષ ની જેમ મહિલાઓ પણ જુગાર રમવામાં વ્યસ્ત બની હોય તેમ લાગી રહ્યું છે ત્યારે મોરબી તાલુકાના નવા ધરમપુર ગામે જાહેરમાં જુગાર રમતી સાત મહિલાને મોરબી તાલુકા પોલીસે ઝડપી પાડી છે.
મળતી માહિતી મુજબ મોરબી તાલુકા પોલીસ પેટ્રોલિંગમા હોય તે દરમ્યાન મોરબી તાલુકાના નવા ધરમપુર ગામે રેખાબેનના ઘરની બહાર જાહેરમાં તીનપત્તીનો જુગાર રમતી સાત મહિલા સરોજબેન ચંદુભાઇ રેવાભાઇ સાંતોલા ઉવ-૪૭, ટીનુબેન મુકેશભાઇ વશરામભાઇ કણસાગરા ઉ.વ-૩૦, કાજલબેન વિપુલભાઇ દીલીપભાઇ કણસાગરા ઉવ-૨૫ રહે. ત્રણે ધરમપુર તા-જી મોરબી તથા દયાબેન કરશનભાઇ ગાંડુભાઇ ઉપસરીયા ઉ.વ.૫૬, દક્ષાબેન હિતેશભાઇ ચંદુભાઇ સનુરા ઉ.વ.૨૮, માયાબેન નિલેશભાઇ છગનભાઇ પંચાસરા ઉ.વ.૨૪, સરોજબેન રાજેશભાઇ ખીમજીભાઇ ઉપસરીયા ઉ.વ.૨૫ રહે-જાંબુડીયા તા.જી. મોરબીવાળીને રોકડ રકમ રૂ. ૮૦૦ ના મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે.
