મોરબીમાં મચ્છુ-૦૩ ડેમના પુલ પરથી છલાંગ લગાવનાર યુવકનો મૃતદેહ મળ્યો
મોરબીના જુના આરટીઓ પાસે મચ્છુ -૦૩ ડેમના પુલ પરથી ગયકાલે છલાંગ લગાવનાર યુવકનો મૃતદેહ મળી આવ્યો છે ફાયર વિભાગની ટીમે ભારે જેહમત બાદ યુવકનો મૃતદેહ શોધી કાઢ્યો છે.
મળતી માહિતી મુજબ ગઇકાલે બપોરના ૨:૩૦ વાગ્યાની આસપાસ કોઈ કારણસર મોરબીના જુના આરટીઓ પાસે મચ્છુ -૦૩ ડેમના પુલ પરથી એક અજાણ્યો યુવકે છલાંગ લગાવી હતી આ ઘટના અંગે મોરબી ફાયર વિભાગને જાણ કરતા ફાયર ટીમ ઘટનાસ્થળે દોડી જઈ શોધખોળ હાથ ધરી હતી ત્યારે ભારે જેહમત બાદ મચ્છુ -૦૩ ડેમમાંથી ફાયર વિભાગે રવજીભાઈ ધીરજલાલ કટારીયા (ઉ.વ.૩૫) નામના યુવકનો મૃતદેહ શોધી કાઢી. હાલ આ ડેડ બોડી પોસ્ટ મોર્ટમ માટે મોરબી સિવિલ હોસ્પિટલ ખાતે ખસેડવામાં આવેલ છે.
