મોરબીમાં કૌટુંબિક ભાઈ સાથે થયેલ અદાવતનો ખાર રાખી યુવક પર પાંચ શખ્સોનો છરી વડે હુમલો
મોરબીના પંચાસર રોડ પર ન્યુ જનક સોસાયટીના નાકા પાસે રહેતા યુવકના કૌટુંબિક ભાઈને આરોપીઓ સાથે અગાઉ થયેલ અદાવતનો ખાર રાખી યુવકને જબરદસ્તી બાઇકમાં બેસાડી આરોપીની દુકાને લઈ જઈ લોખંડના પાઇપ, ધોકા તથા છરી વડે ઇજા પહોંચાડી જાનથી મારી નાંખવાની ધમકી આપી હોવાની ફરીયાદ નોંધાવતા પોલીસે તપાસ હાથ ધરી છે.
મળતી માહિતી મુજબ મોરબીના પંચાસર રોડ પર ગીતામીલ સામે ન્યુ જનક સોસાયટી શેરી નં -૦૩ મકાન નં -૬૭ માં રહેતા ઇરફાન મોહમદભાઈ પરમાર (ઉ.વ.૨૨) એ આરોપી સીકંદર રહે. વીશીપરા મોરબી, લાલો રહે.પંચાસર રોડ મોરબી, વિશાલ કોળી રહે. કાલીકા પ્લોટ મોરબી, રેનીશ પાયક રહે.લાતી પ્લોટ મોરબી, તથા અકરમ શાહમદાર રહે. મકરાણીવાસ મોરબીવાળા વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીઓ સાથે અગાઉ ફરીયાદીના કૌટુંબિક ભાઈ શાહરૂખ સાથે થયેલ અદાવતનો ખાર રાખી આરોપીઓ અલગ અલગ મોટરસાયકલ લઈને આવી ફરીયાદીને પોતાના કૌટીંબિક ભાઈ શાહરૂખ વિશે પુછતા બોલાચાલી થયેલ હોય જેથી આરોપીઓએ ફરીયાદીને જબરદસ્તી તેના મોટરસાયકલ પર બેસાડી આરોપી લાલાની દુકાન પાસે લઈ જઈ આરોપીઓએ ફરીયાદીને લોખંડના પાઇપ, લાકડાના ધોકા વડે મારમારી તથા છરી વડે ઇજા કરી જાનથી મારી નાંખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની ધોરણસરની કાર્યવાહી હાથ ધરી છે.
