મોરબીમાં કારખાનામાંથી સગીરાનું અપહરણ કરનાર શખ્સ સુરતથી ઝડપાયો
મોરબી તાલુકાના લખધીરપુર રોડ ઉપર આવેલ ફેમ સીરામિક કારખાનામાંથી અપહરણ થયેલ ભોગબનનારને શોધી આરોપીને સુરતથી મોરબી તાલુકા પોલીસે ઝડપી પાડયો છે.
મોરબી તાલુકા લગધીરપુર રોડ ઉપર આવેલ ફેમ સીરામિક કારખાનામાંથી આરોપીએ સાહીલ દયારામ લોદી ફરીયાદીની સગીરવયની દિકરીને ફરીયાદીની કાયદેસરના વાલીપણામાંથી લલચાવી ફોસલાવી લગ્ન કરવાની લાલચ આપી ભગાડી અપહરણ કરી લઇ ગયો હોય જે અંગે મોરબી તાલુકા પોલીસ સ્ટેશનમાં ફરીયાદ નોંધાવી હતી.
જેથી આ અપહરણના ગુન્હાના આરોપીને શોધી કાઢવા મોરબી તાલુકા પોલીસ સ્ટાફની અલગ અલગ ટીમો બનાવી તપાસ હાથ ધરી ટેકનીકલ વર્ક તથા હ્યુમન સોર્સથી માહિતી મેળવી ભોગબનનાર તથા આરોપીને સુરત શહેર પાંડેસરા ગુ.હા. બોર્ડ ઉમીયા રેસીડેન્સી ખાતેથી શોધી કાઢી આરોપી સાહુલ ઉફે સાહિલ દયારામ લોદી (ઉ.વ.૨૦) રહે. બડેગાવ મશરીયા થાના ગાજીપુર જી. ફતેપુર ઉતરપ્રદેશવાળાની અટક કરી આગળની કાયદેસરની કાર્યવાહી કરેલ છે તેમજ ભોગબનનારને તેમના માતા-પિતાને સોપેલ છે.
