મોરબીમાં છેતરપિંડીના બે ગુનામાં 17 વર્ષોથી નાસતો ફરતો ઈસમ ઝડપાયો
મોરબી: મોરબી સીટી એ ડીવીઝન પોલીસ સ્ટેશનના વિશ્વાસઘાત છેતરપીંડીના બે ગુનાઓમાં છેલ્લા ૧૭ વર્ષથી નાસતા ફરતા આરોપીને ગાંધીનગર વિસ્તારમાંથી મોરબી પેરોલ ફર્લો સ્કોડે ઝડપી પાડયો છે.
મોરબી પેરોલ ફર્લો સ્ટાફને ખાનગીરાહે બાતમી મળેલ કે, મોરબી સીટી એ ડીવીઝન પોલીસ સ્ટેશનમાં આઇ.પી.સી. કલમ- ૪૦૬, ૪૨૦ વિ. મુજબના ગુનામાં નાસતો ફરતો આરોપી હીતેષભાઇ ધીરૂભાઇ પટેલ રહે. નીકોલ આકાંક્ષા બંગ્લોઝ બાપુનગર અમદાવાદ વાળો હાલે ગાંધીનગર, પાલમ રોડ, સરધાસણ ખાતે આવેલ સ્વીટસુક એપાર્ટમેન્ટ નેનોસીટી ખાતે હાલમાં આવેલ હોવાની ચોકકસ બાતમી મળતા તુરત પેરોલ ફર્લો સ્કોડનાઓ સાથે ટીમ બનાવી ગાંધીનગર જિલ્લાના ઇન્ફોસીટી પોલીસ સ્ટેશનમાં વિસ્તારમાં બાતમીવાળી જગ્યાએ તપાસ કરતા છેતરપીંડી અને વિશ્વાસઘાતના બન્ને ગુનાઓમાં નાસતો ફરતો આરોપી હીતેષભાઈ ધીરજલાલ જીવરાજભાઇ સીરોયા ઉ.વ. પર રહે. હાલ નાગપુર કામતી રોડ, ઓરેન્જસીટી બી/૫૪ જી. નાગપુર (મહારાષ્ટ્ર) મુળ ગામ કમી (કેરાળા) તા. ધારી જી.અમરેલી વાળો મળી આવતા આરોપીને હસ્તગત કરી પેરોલ ફર્લો સ્કોડ, મોરબીની કચેરી ખાતે લાવી પુછપરછ કરતા બંને ગુનાઓ આચરેલાની કબુલાત આપતા મોરબી સીટી એ ડીવી. પો.સ્ટે. આઇ.પી.સી.કલમ- ૪૦૬,૪૨૦ મુજબના ગુનામાં બી.એન.એસ.એસ. કલમ-૩૫ (૨)જે મુજબ અટક કરી આગળની કાર્યવાહી અર્થે મોરબી સીટી એ ડીવી. પો.સ્ટે.ને સોપવા કાર્યવાહી હાથ ઘરેલ છે.
