મોરબી: શ્રી જૂના લીલાપર અને શ્રી ઘુનડા (સ) પ્રા. શાળામાં હિમોગ્લોબીન અને બ્લડ ગ્રુપ ચેકઅપ કેમ્પ યોજાયો
ભારત વિકાસ પરિષદ મોરબી શાખા અને ઈન્ડિયન મેડિકલ એસોસિએશન-મોરબી દ્વારા શ્રી જૂના લીલાપર પ્રાથમિક શાળા અને શ્રી ઘુનડા(સ.) પ્રાથમિક શાળા ખાતે હિમોગ્લોબિન અને બ્લડગ્રુપ ચેકઅપ કેમ્પનું આયોજન કરવામાં આવ્યુ હતું.
ત્યારે હાલનાં સમયમાં બાળકોમાં રોગોનું પ્રમાણ વધી રહ્યુ છે. હિમોગ્લોબિનની ઉણપથી થતાં રોગોનું પણ પ્રમાણ વધી રહ્યું છે એટલે બંને શાળાઓમાંથી ટોટલ ૨૦૫ બ્લડ સેમ્પલનું કલેક્શન કરવામાં આવ્યું હતું અને જેમાં હિમોગ્લોબિનની ઉણપ હોય એમને નિઃશુલ્ક દવાઓ પણ આપવામાં આવી હતી. સાથે દરેક વિદ્યાર્થીઓની રોગો ન આવે તથા આવતા રોગોને અટકાવવાના ઉપાયો વિશેબાળકોને સમજાય તે રીતે રસપ્રદ અને સરળ ભાષામાં પ્રાથમિક માહિતી આપવામાં આવી હતી. દરેક બાળકોનું બ્લડગ્રુપનું ચેકઅપ પણ કરવામાં આવ્યુ હતું.
આ બંને કેમ્પમાં ડૉ. પ્રકાશભાઈ વિડજા (પ્રિ-ક્યોર લેબોરેટરી) અને તેમની ટીમ દ્વારા સેવા આપવામાં આવી હતી. ભારત વિકાસ પરિષદ મોરબી શાખાના સભ્યો ડૉ. જયેશભાઈ પનારા, હિંમતભાઈ મારવણિયા, ધ્રુમિલભાઈ આડેસરા, હિરેનભાઈ ધોરિયાણી, વિપુલભાઈ અમૃતિયા, દિલીપભાઈ પરમાર, ડૉ. ચિરાગભાઈ અઘારા, ડૉ. ચિરાગભાઈ વિડજા તથા કૌશિકભાઈ અઘારા સહિતના લોકો ઉપસ્થિત રહ્યાં હતા.
