મોરબી ફાયર વિભાગ દ્વારા સ્કૂલો અને હોસ્પિટલમાં ફાયર પ્રિવેન્શનની ટ્રેનીંગ અપાઈ
મોરબી ફાયર વિભાગની ટીમ દ્વારા મહાનગરપાલિકા વિસ્તારમાં આવેલ સ્કૂલોમા અને હોસ્પિટલમાં ફાયર પ્રિવેન્શનની ટ્રેનીંગ આપવામાં આવી હતી અને મોરબી જીલ્લામાં બનેલ 11 જેટલા આગના બનાવમાં તાત્કાલિક બનાવના સ્થળે પહોંચી આગ પર કાબુ મેળવ્યો હતો.
મોરબી મહાનગરપાલિકાની અગ્નિશમન શાખા દ્વારા તા. 8 એપ્રિલ થી 14 એપ્રિલ સુધી કમિશનરના આદેશ અન્વયે મોરબી મહાનગરપાલિકા વિસ્તારમાં આવેલ હોસ્પિટલો પૈકી ૬ હોસ્પિટલમાં ૩૧ હેલ્થ કેર સ્ટાફને તથા સ્કૂલો પૈકી ૨ સ્કુલમાં ૧૩૦ વિદ્યાર્થી તથા સ્ટાફને ફાયર પ્રિવેન્શનની ટ્રેનિંગ પ્રિવેન્શનને લગતી સૂચનો અને જરૂરી સમજુતી આપવામાં આવી હતી અને વધુમાં મોરબી જીલ્લામાં ૧૧ આગના બનાવ બનેલ જેમાં ફાયર બ્રિગેડ સ્ટાફ દ્વારા તાત્કાલિક બનાવના સ્થળે પહોંચી આગ પર કાબુ મેળવવામાં આવેલ.
તેમજ તા. ૧૪ એપ્રિલ સોમવારના રોજ નેશનલ ફાયર સર્વિસ દિવસ નિમિતે મોરબી મહાનગરપાલિકાના ફાયર સ્ટેશન ખાતે શહીદ વીરોને શ્રદ્ધાંજલિ આપવામાં આવી ફાયર ટ્રેનિંગ અને ફાયર પ્રિવેન્શનનો મુખ્ય ઉદેશ્ય મોરબી મહાનગરપાલિકા વિસ્તારમાં આવેલ હોસ્પિટલ/સ્કુલ તથા કોલેજો, હોટલોમાં ફાયર સેફટી વિષે માહિતગાર કરવા, ફાયર સાધનોનો યોગ્ય ઉપયોગ કરવા તેમજ કોઈ પણ ઈમરજન્સી વખતે તાત્કાલિક ધોરણે અગ્નિશમન શાખાનો સંપર્ક કરી નાની-મોટી દુર્ઘટના અથવા કોઈ જાન-હાનિ કે પછી કોઈ મોટી આપદા ને નિવારી શકાય અને જાન-માલને બચાવી શકાય તે છે. શહેરમાં કોઈ દુર્ઘટના કે બનાવ બને મોરબી ફાયર એન્ડ ઈમરજન્સી સર્વિસ શાખાના ફોન નં. -૦૨૮૨૨ ૨૩૦૦૫૦ અને ૧૦૧ પર સંપર્ક કરવા જણાવવામાં આવે છે.
