મોરબી: બહાદુરગઢ ગામના પાસેથી ટેન્કરમાથી કેમિકલ ચોરી કરતા શંકાસ્પદ ચાર ઈસમો લાખોના મુદ્દામાલ સાથે ઝડપાયા
મોરબી જીલ્લામા ટેન્કરમાથી કેમીકલ ચોરીના અનેક બનાવો સામે આવ્યા છે ત્યારે ફરી એક વખત મોરબી તાલુકાના બહાદુરગઢ ગામના પાટીયા પાસે ફેરોલી એલ.એલ.પી. ફેકટરીની પાછળ ટેંકરમાંથી કેમીકલ ચોરી કરતા શંકાસ્પદ હાલતમાં ચાર ઇસમોને કુલ કી.રૂ. ૬૪,૮૨,૭૫૦/- ના મુદામાલ સાથે મોરબી ક્રાઇમ બ્રાંચે ઝડપી પાડય છે.
મોરબી એલસીબી પોલીસને ખાનગીરાહે બાતમી મળેલ કે, બહાદુરગઢ ગામના પાટીયા પાસે, ફેરોલી એલ.એલ.પી. ફેકટરીની પાછળ ખુલ્લાં મેદાનમાં ઇસમો ટેંકરમાંથી શંકાસ્પદ રીતે કેમીકલ કાઢતા હોવાની ચોકકસ માહિતી મળતા ચાર ઇસમો મહેતાબખાન મહમંહગુલહશન ખાન ઉ.વ.૩૩ રહે. દહેલામવ તા.જી. પ્રતાપગઢ ઉતરપ્રદેશ, અબ્દુલકલામ ખાન જમ્માલુદીનખાન ઉ.વ.૩૮ રહે. નરસીંગઢ તા. રાનીગંજ જી.પ્રતાપગઢ ઉતરપ્રદેશ, કૌશીકભાઇ વજુભાઇ હુંબલ ઉ.વ.૨૮ રહે. રામપર તા.જી.મોરબી, હરેશભાઇ સાદુરભાઇ હુંબલ ઉ.વ.૩૩ રહે. મોરબી કુબેરનગર, મુળ ગામ-બહાદુરગઢ તા.જી. મોરબીવાળા ટેન્કર નંબર- MH-46-BB-6987 કિં.રૂ. ૧૫,૦૦,૦૦૦/, ટેન્કર નંબર- MH-46-BB-7140 કિં.રૂ. ૧૫,૦૦,૦૦૦/, ટાટા યૌધ્ધા ૧૭૦૦ ગાડી નંબર- GJ-36-V- 8752 ની કિ.રૂ.૫,૦૦,૦૦૦/, બન્ને ટેન્કરમાં ફીનોલ નામન કેમીકલ આશરે ૪૯૨૦૦ લીટર કિં.રૂ.૨૯,૫૨,૦૦૦/, ટાટા યોધ્ધામાં ફીનોલ કેમીકલ ૪૦૦ લીટર કિ.રૂ.૨૫૦૦૦/, મોબાઇલ ફોન નંગ-૦૪ કી.રૂ.૪૫૦૦/- મળી અન્ય મુદામાલ મળી કુલ કી.રૂ. ૬૪,૮૨,૭૫૦ ના મુદ્દામાલ સાથે મળી આવતા મોરબી તાલુકા પોલીસ સ્ટેશન ખાતે આરોપીઓ વિરૂધ્ધ ભારતીય નાગરીક સુરક્ષા સહિતા ૨૦૨૩ ની કલમ-૩૫(૧)(ઇ), ૧૦૬(૧) ગુનો મુજબ રજીસ્ટર કરાવી આગળની ધોરણસરની કાર્યવાહી હાથ ઘરેલ છે.
