માળીયામાં યુવક પર ચાર શખ્સોનો ધાર્યા, ધોકા વડે હુમલો
માળીયા (મી): માળિયા (મી) માં યુવકનાં ભાઈએ શખ્સ એક અને બેનાઓના ભાઈ સાથે જેને તલાક થયેલ હોય તેઓની સાથે કોર્ટ મેરેજ કરેલ હોય જે બાબતેનુ મનદુઃખ રાખી આરોપીઓએ યુવકને ધાર્યાના ઘા મારી તેમજ ધોકા વડે મુંઢ માર મારી જાનથી મારી નાંખવાની આપી હોવાની ભોગ બનનાર યુવકે ચારે આરોપી વિરુદ્ધ માળીયા (મી) પોલીસ સ્ટેશનમાં ફરીયાદ નોંધાવી છે.
મળતી માહિતી મુજબ માળીયા (મી) માલાણી શેરી સંઘવાણી વાસમાં રહેતા હુશેનભાઈ હૈદરભાઈ સંધવાણી (ઉ.વ.૨૫)એ આરોપી હૈદરભાઇ અબ્બાસભાઇ જેડા, અજહર અબ્બાસભાઇ જેડા તથા શીરાજ શકુરભાઇ જેડા તથા સીકંદર ભટ્ટી રહે.બધા માળીયા મી.વાળા વિરુદ્ધ માળિયા (મી) પોલીસ સ્ટેશનમાં ફરીયાદ નોંધાવી છે કે ગત તા.૩૦-૦૮-૨૦૨૩ ના રોજ સવારના દશેક વાગ્યાના અરસામાં ફરીયાદીના ભાઇએ આરોપી હૈદરભાઈ તથા અજહરના ભાઇ સાથે જેના તલાક થયેલ હોય તેઓની સાથે કોર્ટમાં મેરેજ કરેલ હોય જે બાબતેનુ મન:દુખ રાખી આરોપીઓએ જેમ ફાવે તેમ ગાળો બોલી આરોપી હૈદરભાઈએ બન્ને હાથમા હથેળીના તેમજ આંગળીના ભાગે ધારીયાનો ઘા મારી ઇજા કરી તેમજ જમણા હાથની ટચલી આંગળીમા ફેક્ચર જેવી ઇજા કરી તેમજ આરોપી સીંકદરભાઈએ ધારીયા વડે જમણા પગમા પેનીના ભાગે ઇજા કરી તેમજ આરોપી અજહર તથા શીરાજએ ધોકા વડે ફરીયાદીને છાતીના ભાગે માર મારી મુંઢ ઇજા કરી જાનથી મારી નાખવાની ધમકી આપી હતી. આ બનાવ અંગે ભોગ બનનાર હુસેનભાઇએ આરોપીઓ વિરુદ્ધ માળિયા (મી) પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપીઓ વિરુદ્ધ આઇપીસી કલમ -૩૨૩,૩૨૪ ,૩૨૫,૫૦૪ ,૫૦૬(૨),૧૧૪, તથા જી.પી. એક્ટ કલમ -૧૩૫ મુજબ ગુન્હો નોંધી કાયદેસરની કાર્યવાહી હાથ ધરી છે.
