મોરબીમાં દારૂના ગુનામાં નાસતો ફરતો ઈસમ ઝડપાયો
મોરબી: મોરબી સિટી એ ડીવીઝન પોલીસ સ્ટેશનના પ્રોહીબીશનના ગુનામાં નાસતા ફરતા લીસ્ટેડ બુટલેગરને મોરબી લોકલ ક્રાઈમ બ્રાંચે ઝડપી પાડયો છે.
મોરબી એલ.સી.બી. તથા પેરોલ ફર્લો સ્કવોડ, મોરબીનો સ્ટાફ નાસતા ફરતા આરોપીઓને પકડવા માટે પ્રયત્નશીલ હોય તે દરમ્યાન પેરોલ ફર્લો સ્કવોડને ખાનગીરાહે બાતમી મળેલ કે, મોરબી સિટી એ ડીવીઝન પોલીસ સ્ટેશનમાં સી પાર્ટ ગુ.ર.નં.૧૫૨૭/૨૦૨૩ પ્રોહી કલમ-૬પ ઇ વિ. મુજબના ગુન્હામાં નાસતો ફરતો આરોપી સીદીકભાઇ ઇસ્માઇલભાઇ ચાનીયા રહે. મોરબી વાઘપરા શેરી નં-૧૨ વાળો રવાપર-ઘુનડા રોડ ઇમાનપીરની દરગાહ પાસે હોવાની બાતમીના આધારે એલ.સી.બી./પેરોલ ફર્લો સ્ટાફ સાથે બાતમીવાળી જગ્યાએ તપાસ કરતા આરોપી સીદીકભાઇ ઇસ્માઇલભાઇ ચાનીયા ઉ.વ.૫૩ રહે. મોરબી વાઘપરા શેરી નં-૧૨વાળો મળી આવતા તેને હસ્તગત કરી સી.આર.પી. સી.કલમ ૪૧(૧) આઇ. મુજબ દારૂના ગુનાના કામે અટક કરી આગળની કાર્યવાહી અર્થે મોરબી સિટી એ ડિવી. પો.સ્ટે.ને સોપવા કાર્યવાહી હાથ ઘરેલ છે.
