હળવદના માનગઢ ગામ નજીક રેતી ખનીજનું વહન કરતા ઈસમો પર કાર્યવાહી
હળવદ: હળવદ તાલુકાના માનગઢ ગામ નજીક રેતી ખનીજનું વહન કરતા ઈસમો પર હળવદ પોલીસે કાર્યવાહી કરી એક એક્સાવેટોર મશીન તથા એક ટ્રક કબજે કરી મોરબી ખાણ ખનીજ વિભાગને કાયદેસરની કાર્યવાહી કરવા જાણ કરવામાં આવી.
હળવદ પોલીસ પેટ્રોલીંગમાં હોય તે દરમ્યાન માનગઢ ગામે નદીના કાઠા પાસે બાતમીના આધારે આવતા રેતી ખનીજનુ ખનન કરતા EXCAVATOR મશીન તથા એક ટ્રક (પાટલો) રજી નંબર જોતા GJ-12-Y-9883 વાળુ મળી આવતા કોઈ આધાર કે પરમીટ માંગતા પોતાની પાસે આવા કોઇ આધાર કે પરમીટ નહી હોવાનુ જણાવતા પોલીસ ઈન્સપેક્ટરે પોલીસ સ્ટાફ સાથે કાયદેસરની કાર્યવાહી કરી HYUNDAI કંપનીનુ EXCAVATOR- મશીન તથા એક ટ્રક (પાટલો) રજીસ્ટર નંબર GJ-12-Y-9883વાળુ હસ્તગત કરી મોરબી ખનીજ વિભાગને કાયદેસર કાર્યવાહી કરવા સારૂ જાણ કરવામાં આવેલ છે.
