મોરબીમાં આઈપીએલની ક્રિકેટ મેચ પર સટ્ટો રમતાં એક ઈસમ ઝડપાયો
મોરબી: મોરબી રવાપર ઘુનડા રોડ થીમ હાઈટસની બહાર પાર્કીંગમા આઇપીએલની ક્રિકેટ મેચ ઉપર ઓનલાઇન સટ્ટો રમતા એક ઈસમને મોરબી સીટી એ ડીવીઝન પોલીસે ઝડપી પાડયો છે જ્યારે અન્ય એક શખ્સ સ્થળ પર હાજર ન મળી આવતા પોલીસે તેને ઝડપી પાડવા તપાસ હાથ ધરી છે.
મળતી માહિતી મુજબ મોરબી રવાપર ઘુનડા રોડ થીમ હાઈટસની બહાર પાર્કીંગમા આઇપીએલની રાજસ્થાન રોયલ્સ અને રોયલ ચેલેન્જર બેંગલોર વચ્ચેની ક્રિકેટ મેચ ઉપર ઓનલાઇન સટ્ટો રમતા એક ઈસમ વિનયભાઈ મગનલાલ મહેતા (ઉ.વ.૫૫) રહે. રવાપર ઘુનડા રોડ ફ્લોરા-૧૫૮ ની સામે આવેલ રંગ ધરતી પાર્ક થીમ હાઈટસ ફ્લેટ નં -૪૦૧ મોરબીવાળાને રોકડ રકમ રૂ. ૨૫૦૦ તથા ઓપો એફ -૧૯ પ્રો મોબાઇલ ફોન કિં રૂ. ૮૦૦૦ મળિ કુલ રૂ. ૧૦,૫૦૦ નાં મુદામાલ સાથે મોરબી સીટી એ ડીવીજન પોલીસે ઝડપી પાડી તથા અન્ય એક શખ્સ ડી.કે. ભાઈ રહે. રાજકોટ વાળો સ્થળ પર હાજર ન મળી આવતા પોલીસે બંને આરોપીઓ વિરુદ્ધ જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે.
