ઉત્તર પ્રદેશ અને બિહારની વચ્ચે ગંગા નદીમાંથી અનેક મૃતદેહો મળી આવ્યા છે. છેલ્લા કેટલાક દિવસોમાં બક્સર અને ગાઝીપુરની આસપાસ ગંગામાંથી અનેક મૃતદેહો મળી આવ્યા છે. કેન્દ્રીય જળ ઊર્જા પ્રધાન ગજેન્દ્ર સિંહ શેખાવત સિવાય પટના હાઈકોર્ટએ નોંધ આ બાબતે નોંધ લીધી ત્યારે આ મામલે ભારે અસર પડી હતી. ગંગામાં જોવા મળતા મૃતદેહો અંગે બોલિવૂડ સ્ટાર્સ પણ આશ્ચર્યચકિત છે. સાથે જ આ માટે સરકારને જવાબદાર ઠેરવી છે.
બોલિવૂડ ગાયક અને અભિનેતા ફરહાન અખ્તરે બુધવારે ગંગામાંથી મળેલા મૃતદેહો પર પ્રતિક્રિયા આપી હતી. તેમણે આ ઘટના માટે સિસ્ટમને જવાબદાર ઠેરવી છે. ફરહાન અખ્તરે ટ્વિટર પર કહ્યું હતું કે આ માટે નબળી સિસ્ટમ જવાબદાર છે. અભિનેતાએ પોતાના ટ્વીટમાં લખ્યું છે કે, “નદીઓમાં મૃતદેહો વહેતા આવીને કિનારા પર મળી આવવાના અહેવાલો સતત સામે આવી રહ્યા છે અને તે ચોક્કસપણે દિલને ઠેસ પોહચે તેવી ઘટના છે. એક દિવસ વાયરસ ચોક્કસપણે હારશે, પરંતુ આવી ખામીઓ માટે સિસ્ટમમાં જવાબદારી નક્કી કરવી આવશ્યક છે. જ્યાં સુધી આવું નહીં થાય ત્યાં સુધી રોગચાળાનું પ્રકરણ સમાપ્ત નહીં થાય.
અભિનેત્રી પરિણીતી ચોપડાએ પણ ગંગામાંથી મળેલા લોકોના મૃતદેહો પર દુઃખ વ્યક્ત કર્યું છે. તેમણે પોતાના સત્તાવાર ટ્વિટર એકાઉન્ટ પર લખ્યું હતું કે, “આ રોગચાળાએ માનવ જીવનનો સૌથી ખરાબ ચહેરો બહાર કાઢ્યો છે.” જે લાશો તરતી હતી તે એક સમયે જીવતી હતી, તે કોઈની માતા, પુત્રી, પિતા અથવા પુત્ર હતા. જો તમારો મૃતદેહ નદી કિનારેથી મળી આવ્યો હોત અથવા તમે તમારી માતાનો મૃતદેહ નદી પર તરતો જોયો હોત તો તે કેવું લાગત ? વિચારી પણ નથી શકતા. હેવાન ‘ અભિનેત્રી ઉર્મિલા માતોન્ડકરે પણ આ ઘટના પર પ્રતિક્રિયા આપી છે. પોતાના ટ્વીટમાં તેમણે જણાવ્યુ હતું કે શંકાસ્પદ કોવિડના 100થી વધુ મૃતદેહો ગંગામાં ફેંકી દેવામાં આવ્યા,આ વાત ખૂબ જ દુખદ છે તેમજ આ ઘટના અંગે વિશ્વાસ નથી થતો. આ સિવાય અન્ય ઘણા બોલિવૂડ સ્ટાર્સે ગંગામાંથી મળેલા મૃતદેહો પર પ્રતિક્રિયા આપી છે.
તમને જણાવી દઈએ કે બિહાર રાજ્યના બક્સરને અડીને આવેલા યુપીના બલિયા, ગાઝીપુર, હમીરપુર ખાતે ગંગાની બાજુમાંથી મળી આવેલા 70થી વધુ મૃતદેહો મળ્યા હતા. એક સાથે મોટી સંખ્યામાં મૃતદેહો જોવા મળ્યા બાદ સ્થાનિક વહીવટીતંત્રએ જેસીબી દ્વારા ખાડા ખોદીને તમામ મૃતદેહોને દફનાવી દીધા હતા. અગાઉ કોવિડ પરીક્ષણ માટે અનેક મૃતદેહોના નમૂના લેવામાં આવ્યા હતા. બક્સર જિલ્લાના આરોગ્ય વિભાગે વહીવટીતંત્રની વિનંતી પર અનેક મૃતદેહોનું પોસ્ટમોર્ટમ પણ કર્યું હતું.
![Chakravatnews](https://www.chakravatnews.co.in/wp-content/uploads/2022/03/MY-CH-3-300x300.jpg)
![Chakravatnews](https://www.chakravatnews.co.in/wp-content/uploads/2022/03/SAVE_20220314_222815-300x234.jpg)