મોરબી બાર એસો.ની ચુંટણીનુ પરિણામ જાહેર
પ્રમુખ તરીકે ચેતન સોરીયા, ઉપપ્રમુખ તરીકે જીતેન અગેચણીયા વિજેતા
મોરબી બાર એસોસિએશનની ચૂંટણી આજે મોરબી કોર્ટ સંકુલ ખાતે યોજાઈ હતી જેમાં આજે સાવરથી જ શાંતિપુર્ણ માહોલ વચ્ચે મતદાન શરૂ થયું હતું. જેનુ સાંજના પરિણામ જાહેર કરવામાં આવ્યું હતું. જેમાં પ્રમુખ તરીકે ચેતનભાઈ સોરીયા, ઉપપ્રમુખ તરીકે જીતેનભાઈ અગેચણીયા વિજેતા જાહેર કરવામાં આવ્યા છે.
મોરબી બાર એસોસિએશનના ૪ પ્રમુખ ઉમેદવારો, ૪ ઉપપ્રમુખ પદના ઉમેદવારો, સેક્રેટરી સહિતના સભ્યો માટે આજે મતદાન પ્રક્રિયા હાથ ધરવામાં આવી હતી જેમાં સાંજે મત ગણતરી કરતા પ્રમુખ તરીકે ચેતનભાઈ સોરીયા, ઉપપ્રમુખ તરીકે અગેચણીયા જીતેનભાઈ, સેક્રેટરી તરીકે અશોકભાઈ ખુમાણ અને જોઈન્ટ સેક્રેટરી તરીકે કણઝારીયા ચિરાગ વિજેતા જાહેર થયા છે તે ઉપરાંત કારોબારી તરીકે પરમાર કરમશી, સંધાણી મોનિકા અને ગોલતર રાહુલ તેમજ મુછ્ડીયા કમલાબેન મહિલા પ્રતિનિધિ તરીકે બિનહરીફ વરણી પામ્યા છે.
