આટ આટલા વર્ષ ધારાસભ્ય રહ્યા બાદ પણ ઉભરાતી ગટરો વચ્ચે સદસ્યતા અભિયાન કરવું પડે તો શરમ થવી જોઈએ મોરબીના ધારાસભ્ય ને
શરમ કરો શરમ ઉભરાતી ગટર વચ્ચે ચાલી ને ભાજપ સદસ્યતા કરી રહ્યું છે તો રોડ પર અડિંગો જમાવીને ઉભેલા ખુંટીયા દેખાઈ રહ્યા છે ત્યારે પ્રશ્ન એ થાય કે શું અભિયાનમાં પશુઓને પણ જોડે છે કે શું?
મોરબી: સમગ્ર દેશમાં અને રાજ્યમાં ભારતીય જનતા પાર્ટી દ્વારા સદસ્યતા અભિયાન ચલાવવામાં આવી રહ્યું છે તે અંતર્ગત આજ ધારાસભ્ય કાંતિભાઈ અમૃતિયા દ્વારા સદસ્યતા અભિયાનને વેગવંતુ બનાવવા શહેરના વિવિધ વિસ્તારોમાં નીકળ્યા હતા ત્યારે તસવીરમા એક તરફ ખુંટીયાઓ તો બીજી તરફ ગટરોના ઉભરતા પાણી દેખાઈ રહ્યા છે તો શું જરા પણ વિચાર નહી આવતો હોય કે હું સદસ્યતા અભિયાન પછી પહેલા મોરબીની જનતાને આ નર્કાગાર સમી સ્થિતીમાથી બહાર કાઢુ.
મોરબી જિલ્લામાં ભારતીય જનતા પાર્ટી દ્વારા સદસ્યતા અભિયાન ચલાવવામાં આવી રહ્યું છે અને રોજ શહેરના એક વિસ્તારની મુલાકાત લઈ લોકોને જોડી રહ્યાં છે.ત્યારે ધારાસભ્ય કાંતિભાઈ અમૃતિયા પણ ભારતીય જનતા પાર્ટીના આ સદસ્યતા અભિયાનમાં લોકોને જોડવા માટે અથાગ પ્રયત્નો કરી રહ્યા છે અને શહેરમાં તેમજ તાલુકામાં ફરી રહ્યા છે ત્યારે આજે એક દ્રશ્ય જોવા મળ્યું હતું જેમાં એક તરફ ધારાસભ્ય કાંતિભાઈ અમૃતિયા સદસ્યતા અભિયાન કરી રહ્યા છે ત્યારે બીજી તરફ રોડ પર પશુઓ લટારો મારી રહ્યા છે શું હવે ભાજપ પશુઓને પણ એકઠા કરીને સદસ્યતા અભિયાનમાં નથી જોડી રહી ને તો બીજી તરફ કાંતીભાઇ ગટરના પાણી ઉભરાઈ જે રોડ ઉપર ફરી વળ્યા તેના પરથી ચાલીને સદસ્યતા અભિયાન કરી રહ્યા છે ત્યારે શું ચુંટણી ટાઈમે વાતો કરતા ધારાસભ્યને સદસ્યતા અભિયાનની કામગીરી કરવાનું દેખાઈ રહ્યું પરંતુ મોરબી વાસીઓને આ નર્કાગાર પરિસ્થિતિથીમા બહાર કાઢવાનો વિચાર કેમ નથી આવી રહ્યો. જે કામ કરવાનું છે તે કેમ નથી કરી રહ્યા. જો આટલી મહેનત કરી એક રસ્તા પર ફરી ઉભરાતી ગટરો અને રોડ પર આડો જમાવીને બેઠા પશુઓને દુર કરવામાં કરી હોત તો મોરબીની જનતાને ક્યાંક એક સમસ્યામાંથી છુટકારો મળત પરંતુ નહી ભાજપ એવુ ચાહતી જ નથી કે મોરબીવાસી સુખ ચેનથી રહી શકે ત્યારે જોવું રહ્યું કે આવનારા દિવસોમાં શું કાંતિભાઈ દ્વારા પશુઓ પકડવાની કામગીરી ફરી વેગવંતી બનાવશે કે પછી સદસ્યતા અભિયાનને જ વેગવંતુ બનાવવામાં આવશે.
