મહાનાયક અમિતાભ બચ્ચનને પ્રતિષ્ઠિત ઇન્ટરનેશનલ ફેડરેશન ઓફ ફિલ્મ આર્કાઇવ્સ એવોર્ડ 2021 (એફઆઈએએફ) એનાયત કરવામાં આવ્યો છે. અમિતાભને 19 માર્ચ શુક્રવારે સાંજે વર્ચ્યુઅલ ઇવેન્ટમાં હોલીવુડના ફિલ્મ સર્જકો માર્ટિન સ્કોર્સે અને ક્રિસ્ટોફર નોલન તરફથી આ સન્માન મળ્યું હતું. અમિતાભ બચ્ચન આ એવોર્ડ મેળવનારા પહેલા ભારતીય છે, તેમના પહેલા આ સન્માન કોઈને મળ્યો નથી. એફઆઈએએફ પ્રોગ્રામમાં દર વર્ષે, ફિલ્મ જગત સાથે સંકળાયેલા લોકોનું સન્માન કરવામાં આવે છે કે જેઓ કોઈ પણ રીતે ફિલ્મથી સંબંધિત વસ્તુઓને બચાવવામાં યોગદાન આપે છે. અમિતાભ બચ્ચને તેની કેટલીક તસવીરો તેના ઇન્સ્ટાગ્રામ અને ટ્વિટર પર શેર કરી છે અને ચાહકોને આ વિશે માહિતી આપી છે. તસવીર શેર કરતા લખ્યું કે, ‘મને 2021 FIAF એવોર્ડ મળ્યો છે. આ મેળવીને ખૂબ જ સન્માન અનુભવું છું. સમારોહમાં મને ઇનામ આપવા બદલ FIAF અને માર્ટિન સ્કોર્સી અને ક્રિસ્ટોફર નોલનનો આભાર. ભારતની ફિલ્મી હેરિટેજને બચાવવા માટેની અમારી પ્રતિબદ્ધતા અડગ છે. ફિલ્મ હેરિટેજ ફાઉન્ડેશન તેની ફિલ્મોને બચાવવા દેશવ્યાપી આંદોલન બનાવવાના પ્રયત્નો ચાલુ રાખશે. ‘ તમને જણાવી દઈએ કે 78 વર્ષીય બોલિવૂડના દિગ્ગજ નેતા અમિતાભ બચ્ચનને એફઆઈએએફ સંલગ્ન ફિલ્મ હેરિટેજ ફાઉન્ડેશન દ્વારા નામાંકિત કરાયા હતા. એફઆઈએએફ એ એક બિન નફાકારક સંસ્થા છે જેની સ્થાપના ફિલ્મ નિર્માતા અને આર્કાઇવિસ્ટ શિવેન્દ્રસિંહ ડુંગરપુર દ્વારા કરવામાં આવી છે. એફઆઈએએફનો મુખ્ય હેતુ ભારતની ફિલ્મી વારસોના સંરક્ષણ, પુન:સ્થાપના, પ્રદર્શન અને અભ્યાસ માટે કામ કરવાનું છે.
બિગ બીના વર્કફ્રન્ટ વિશે વાત કરવામાં આવે તો તે ટૂંક સમયમાં ફિલ્મ ‘ચેહરે’ માં જોવા મળશે. આ ફિલ્મમાં તેની સાથે અભિનેતા ઇમરાન હાશ્મી અને રિયા ચક્રવર્તી પણ છે. આ સિવાય અમિતાભ બચ્ચન ‘બ્રહ્માસ્ત્ર’, ‘ઝુંડ’ અને ‘મેડે’ જેવી ફિલ્મોમાં પણ જોવા મળશે. તમને જણાવી દઈએ કે ‘મેડે’ એ અજય દેવગન દિગ્દર્શિત એક રોમાંચક ફિલ્મ છે.
