અખિલ ભારતીય રાષ્ટ્રીય શૈક્ષિક મહાસંઘ ગુજરાતની રાજ્ય કારોબારીમાં મોરબી જિલ્લાના પંદર પ્રશ્નો રજૂ
અખિલ ભારતીય રાષ્ટ્રીય કારોબારી ગુજરાત પ્રાંતની ટીમ ખુબજ એકટીવ બની અત્યાર સુધી અનેક પ્રશ્નોની સફળ રજુઆતો કરી સફળતા પ્રાપ્ત કરેલ એ બદલ પ્રાંત ટીમનો હૃદયપૂર્વક આભાર સહ કર્ણાવતીના મણિનગરના ડો. હેડગેવાર ભવન ખાતે યોજાયેલી શૈક્ષિક મહાસંઘની રાજ્ય કારોબારીમાં આ મુજબના પ્રશ્નોની રજુઆત કરવા આવ્યા હતા અને પ્રાંત ટિમ દ્વારા પ્રશ્નો ઉકેલવા માટે જે તે વિભાગ સાથે પરામર્શ કરવાની ખાત્રી આપવામાં આવેલ હતી.
(1) વર્ષ:-૨૦૦૫ પછી નિમણુંક પામેલ શિક્ષકોને જૂની પેંશન યોજનામાં સમાવવા બાબત.
(2) વર્ષ:-૨૦૦૫ પહેલાંના કર્મચારીઓની સીપીએફ કપાત બંધ કરી તા.01.04.2025 થી જીપીએફ એકાઉન્ટ ઓપન કરવા બાબત.
(3) વર્ષ:-૨૦૧૩ માં થયેલ નવ રચિત જિલ્લાઓના શિક્ષકોના જીપીએફના નાણાં જુના જિલ્લામાંથી નવ રચિત જિલ્લામાં ટ્રાન્સફર કરવા બાબત.
(4) સીપીએફ એકાઉન્ટ ઓપન કરવામાં પાંચ પાંચ વર્ષ જેટલો સમય વ્યતીત થઈ જાય છે, ઝડપથી કાર્યવાહી થાય એ માટે જિલ્લા કક્ષાએ કેમ્પનું આયોજન કરવા બાબત.
(5) દર વર્ષે માર્ચ માસમાં ગરમીનું પ્રમાણ ખુબજ વધી જતું હોય 15,મી માર્ચથી શાળાનો સમય સવારનો કરવા અગાઉથી જ રજુઆત કરવા બાબત.
(6) સમગ્ર શિક્ષા અભિયાન દ્વારા SMC, CRC, BRC ને આપવામાં આવતી ગ્રાન્ટની લિમિટ હાલ જે 25% આપવામાં આવે છે એના બદલે પ્રથમ શૈક્ષણિક સત્ર શરૂ થાય ત્યારે 50% અને દ્વીતિય સત્ર શરૂ થાય ત્યારે જમા કરવા બાબત.
(7) સમગ્ર શિક્ષા અભિયાનમાં નાણાંકીય ઔચિત્યના સિદ્ધાંતો મુજબ વર્ષોથી રૂપિયા 2000/- ની ખરીદી પર ત્રણ ભાવ લેવાની જોગવાઈ છે એમાં ફેરફાર કરી હાલના મોંઘવારીના સમયમાં 5000/- રૂપિયાની કોઈ એક જ વસ્તુની ખરીદી પર ત્રણ ભાવ લેવાની જોગવાઈ કરવા બાબત.
(8) સીઆરસી/બીઆરસી ભરતીમાં ગણિત,વિજ્ઞાન શિક્ષકોને નિમણુંક આપવાની છૂટ આપવા બાબત.
(9) ખાતાકીય પરીક્ષા કલાસ-2 ની પરીક્ષામાં લાયકાત ધરાવતા પ્રાથમિક શિક્ષકોને પરીક્ષા આપવાની છૂટ આપવા બાબત.
(10) વર્ષ દરમ્યાન શિક્ષકોને પોતાના વર્ગ બાળકોના ભોગે ઘણી બધી તાલીમો આપવામાં આવે છે એ તાલીમ ઓછી કરવા બાબત.
(11) દર વર્ષે વિદ્યાર્થીઓને આપવામાં આવતી શિષ્યવૃત્તિની દરખાસ્ત કરવાની પ્રક્રિયા ખુબજ જટિલ હોય એને સરળ કરવા બાબત.
(12) જિલ્લા પંચાયત અને તાલુકા પંચાયતની શિક્ષણ શાખાઓમાં કલાર્કની નિમણુંક કરવા બાબત.
(13) એસ.ઓ.ઈ. સિવાયની તેમજ એક શિક્ષક વાળી શાળામાં જ્ઞાન સહાયક કે પ્રવાસી શિક્ષકોની નિમણુંક કરવા અંગે.
(14) પે-સેન્ટર શાળામાં ફેરફાર કર્યા વગર પે-સેન્ટર તેમજ 300 વિદ્યાર્થીઓની સંખ્યા ધરાવતી શાળામાં શાળા સહાયકની નિમણુંક કરવી.
(15) વિદ્યાર્થીઓના શૈક્ષણિક પ્રવાસની મંજૂરી આપવા બાબત
કર્ણાવતીના ડો.હેડગેવાર ભવન ખાતે યોજાયેલ કારોબારી બેઠકમાં હિતેશભાઈ ગોપાણી પ્રાંત સંગઠન મંત્રી પ્રાથમિક સંવર્ગ દિનેશભાઈ વડસોલા જિલ્લા અધ્યક્ષ, કિરણભાઈ કાચરોલા મંત્રી, પ્રવિણભાઈ ધોળુ કાર્યકારી અધ્યક્ષ, સંદીપભાઈ આદ્રોજા વરિષ્ઠ ઉપાધ્યક્ષ, હિતેશભાઈ પાંચોટીયા સહ સંગઠન મંત્રી, નિરવભાઈ બાવરવા પ્રચાર મંત્રી વગેરેએ ઉપસ્થિત રહી પંદર જેટલા શૈક્ષણિક,વિદ્યાર્થીઓ અને શિક્ષકોના પ્રશ્નો રજૂ કરવામાં આવ્યા.
