ગુજરાતમાં ભાવનગરના કોવિડ કેર સેન્ટરમાં આગ લાગી હતી. કાળુભા રોડ પર આવેલી જનરેશન એક્સના ત્રીજા માળે આગા લાગતાં અફડાતફડીનો માહોલ સર્જાયો હતો. સૂત્રોના જણાવ્યા અનુસાર, હોસ્પિટલના ત્રીજા માળે આગ લાગી હતી. એક જ માળે આઈસીયુ વોર્ડ હતા, અકસ્માત દરમિયાન આઈસીયુમાં 70 દર્દીઓને દાખલ કરવામાં આવ્યા હતા. જોકે બધાને સમયસર સલામત રીતે બહાર કાઢવામાં આવ્યા છે, પરંતુ ઘણા દર્દીઓ ઓક્સિજન સપોર્ટ પર હતા. તેને ઓક્સિજન સિલિન્ડર સાથે બીજી હોસ્પિટલમાં ખસેડવામાં આવ્યા હતા. આ દરમિયાન આગ પર કાબૂ મેળવવાના પ્રયાસો ચાલુ છે. ફાયર બ્રિગેડના અનેક વાહનો આગ પર કાબૂ મેળવવાનો પ્રયાસ કરી રહ્યા છે. ફાયર વિભાગના એક વરિષ્ઠ અધિકારીએ જણાવ્યું હતું કે, જનરેશન હોસ્પિટલમાં મોટી આગ લાગી હોવાની માહિતી મળી હતી. ઘટનાની જાણ થતાં ફાયર વિભાગની ગાડી ઘટના સ્થળે પહોચી હતી. અને આગ પર કાબૂ મેળવવાનો પ્રયાસ શરૂ કર્યો હતો. આગ લાગ્યા બાદ હોસ્પિટલની બહાર ધુમાડો નીકળતો જોવા મળ્યો હતો.
ભરૂચમાં લાગેલી આગમાં 16નાં મોત.
હોસ્પિટલ મેનેજમેન્ટના જણાવ્યા મુજબ શોર્ટ સર્કિટને કારણે હોસ્પિટલમાં આગ લાગી હતી. 30 એપ્રિલે ભરૂચની પટેલ વેલ્ફેર હોસ્પિટલના કોવિડ સેન્ટરમાં આગ લાગી હતી, જેમાં 14 દર્દીઓ અને બે હોસ્પિટલ સ્ટાફના મોત થયા હતા. આગ દરમિયાન કોરોના વોર્ડમાં 49 લોકોને દાખલ કરવામાં આવ્યા હતા. આ ઘટના બાદ કેટલાક લોકો બહાર નિકળવામાં સફળ રહ્યા હતા પરંતુ ઘણાલોકોએ જીવ ગુમાવ્યા હતા.
