મોરબી : મોરબી જિલ્લામાં કોરોના ની રફતાર એકદમ ધીમી પડતાં આરોગ્ય વિભાગે હાસકારો લેતાં મોરબી જિલ્લો કોરોના મુક્ત થાય તેવા સંકેતો આપ્યા હતા કારણકે જિલ્લામાં આજે એક જ એક્ટિવ કેસ રહ્યો છે. આ દર્દી પણ આવતીકાલે રિકવર થવાના છે.
મોરબી જિલ્લામાં છેલ્લા થોડા દિવસથી એક પણ નવો કેસ નોંધાયો નથી. સામે દર્દીઓ રિકવર થઈ રહ્યા હતા.આવી જ રીતે આજે પણ આરોગ્ય વિભાગે 517 લોકોના સેમ્પલ લીધા હતા. જેમાંથી એકેય કેસ સામે આવ્યો નથી. જો કે 2 દર્દીઓ આજે રિકવર થતા હવે એક્ટિવ કેસ માત્ર એક જ રહ્યો છે.
વધુમાં આરોગ્ય વિભાગમાંથી જાણવા મળ્યા મુજબ હાલ જે કોરોનાનો દર્દી છે. તે પણ આવતીકાલે બુધવારે રિકવર થવાના છે. એટલે હવે જો આવતીકાલે બુધવારે જો કોઈ નવો કેસ ન આવે તો મોરબી જિલ્લો આવતીકાલે કોરોના મુક્ત જાહેર થશે.
