કોરોનાના વધતા કેસોને કારણે કેરળમાં ૮ મેથી ૧૬ મેના રોજ સવારે ૬ વાગ્યા સુધી લોકડાઉન જાહેર કરવામાં આવ્યું છે. કેરળના સીએમ પિનારાઈ વિજયનએ આ જાહેરાત કરી હતી. કેરળમાં બુધવારે અત્યાર સુધીના સૌથી વધુ 41,953 કોરોના કેસ નોંધાયા છે. મુખ્યમંત્રી પિનારાઈ વિજયનએ કેરળની સ્થિતિને ગંભીર ગણાવી હતી અને કહ્યું હતું કે વધતા જતા કોવિડના કેસને રોકવા માટે કડક પગલાં લેવા પડશે. ભારતમાં કોરોના વાયરસના વધતા કેસ દરરોજ નવા રેકોર્ડ તોડી રહ્યા છે અને ગુરુવારે સંક્ર્મણના 4,12,262 નવા કેસ નોંધાયા હતા અને 3,980 લોકોએ જીવ ગુમાવ્યા હતા. આ સાથે સંક્ર્મણના કુલ કેસોની સંખ્યા વધીને 2,10,77,410 થઈ ગઈ છે અને મૃત્યુઆંક 2,30,168 સુધી પહોંચી ગયો છે. બીજી લહેરમાં કોવિડ-19 ના કેસોમાં ઉછાળાને પગલે રાજ્યમાં 8 મેથી 16 મે સુધી લોકડાઉન લાદવામાં આવશે તેવી જાહેરાત કેરળના સીએમ પિનારાઈ વિજયન દ્વારા કરવામાં આવી છે.
પીએમ મોદીએ કેરળ સરકારના પ્રયાસોની પ્રશંસા કરી.
વડા પ્રધાન નરેન્દ્ર મોદીએ રસીઓનો બગાડ ઘટાડવાના કેરળ સરકારના પ્રયાસોની પ્રશંસા કરી હતી અને કહ્યું હતું કે કોવિડ-19 સામેની લડાઈને મજબૂત કરવામાં તે મહત્વપૂર્ણ છે. કેરળના મુખ્યમંત્રી પિનારાઈ વિજયનનો ઉલ્લેખ કરતાં પ્રધાનમંત્રીએ ટ્વીટ કર્યું હતું કે, “આરોગ્ય કર્મચારીઓ અને નર્સોનું કામ જોઈને સારું લાગે છે, જેમણે આપણી સમક્ષ રસીઓનો બગાડ ઘટાડવાનું ઉદાહરણ પૂરું પાડ્યું છે. કોવિડ સામેની લડતને મજબૂત કરવા માટે રસીઓનો બગાડ ઘટે તે અત્યંત મહત્વપૂર્ણ છે. ‘ કેરળના મુખ્યમંત્રી પિનારાઈ વિજયનએ રાજ્યમાં કોરોના વાયરસની રસીના બગાડના આંકડા પર પ્રકાશ પાડ્યો હતો. “કેરળને કેન્દ્ર સરકાર તરફથી રસીનો 73,38,806 ડોઝ મળ્યો છે. અમે 74,26,164 ડોઝ પ્રદાન કર્યા છે, દરેક શીશીમાં નકામા તરીકે વધતા બાકીના વધારાના ડોઝનો ઉપયોગ કરી રહ્યા છીએ. આપણા આરોગ્ય કર્મચારીઓ, ખાસ કરીને નર્સો, આવા શુભ કાર્ય માટે સંપૂર્ણ પ્રશંસાને પાત્ર છે. ‘
