મોરબીના જાંબુડીયા ગામેથી જુગાર રમતા ચાર ઈસમો ઝડપાયા
મોરબી તાલુકાના જાંબુડીયા ગામે બેલ સેનેટરીની બાજુમાં પુલ નીચે બાવળની કાંટમા જાહેરમાં તીનપત્તીનો જુગાર રમતા ચાર ઈસમોને મોરબી તાલુકા પોલીસે ઝડપી પાડયા છે.
મળતી માહિતી મુજબ મોરબી તાલુકા પોલીસ ટીમ પેટ્રોલિંગમા હોય તે દરમ્યાન મોરબી તાલુકાના જાંબુડીયા ગામે બેલ સેનેટરીની બાજુમાં પુલ નીચે બાવળની કાંટમા જાહેરમાં તીનપત્તીનો જુગાર રમતા ચાર ઈસમો જલાભાઇ સીંધાભાઇ ગોલતર (ઉવ-૨૦) રહે. ત્રાજપર મોરબી, નવલભાઇ દીનેશભાઇ પાટડીયા ( ઉવ-૨૦) રહે. ત્રાજપર મોરબી, રમેશભાઇ પરશોતમભાઇ સારલા (ઉવ-૫૦) રહે. નવા જાંબડીયા તા-જી મોરબી તથા જીવણભાઇ રૂપાભાઇ ભરવાડીયા (ઉવ-૩૫) રહે. સલાટવાસ નવા જાંબડીયા તા-જી મોરબીવાળાને રોકડ રકમ રૂ. ૧૫૧૦ ના મુદામાલ સાથે ઝડપી પાડી આરોપી વિરુદ્ધ મોરબી તાલુકા પોલીસ સ્ટેશનમાં જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.
