હળવદના વેગડવાવ ગામે રહેણાંક મકાનમાંથી 1.30 લાખના સોના ચાંદીના દાગીનાની ચોરી
હળવદ તાલુકાના વેગડવાવ ગામમાં રહેણાંક મકાનને તસ્કરોએ નિશાન બનાવી રહેણાંક મકાનમાંથી અજાણ્યો ચોર ઈસમ સોના ચાંદીના દાગીના કિં.રૂ. ૧,૩૦,૦૦૦ ના મુદ્દામાલની ચોરી કરી લઇ ગયો હોવાની હળવદ પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ હળવદ તાલુકાના જુના વેગડવાવ ગામે રહેતા અને ખેતી કરતા નરેશભાઈ માંડણભાઇ ગોયલ (ઉ.વ.૩૭) એ આરોપી અજાણ્યા ચોર ઈસમ વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીના રહેણાંક મકાનમાં રૂમમાં આવેલ પાછળની બારી તોડી કોઇ અજાણ્યા ઈસમે ઘરમાં પ્રવેશ કરી ફરીયાદીના ઘરના રૂમમાં તીજોરીમાં રાખેલ સોનાના દાગીના વજન આશરે ૩૫ ગ્રામ કિ.રૂ. ૧,૦૫,૦૦૦/- તથા ચાંદીના દાગીના વજન આશરે ૫૦૦ ગ્રામ કિ.રૂ. ૨૫,૦૦૦/- મળી કુલ રૂપીયા ૧,૩૦,૦૦૦/- ની મતાની ચોરી કરી લઈ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આરોપીને ઝડપી પાડવા શોધખોળ હાથ ધરી છે.
