મોરબી: ચોરીના પાંચ મોટરસાયકલ સાથે એક ઈસમ ઝડપાયો
મોરબીના શોભેશ્વર રોડના નાકા પાસેથી ચોરીના પાંચ મોટરસાયકલ સાથે એક ઈસમને મોરબી સીટી એ ડીવીઝન પોલીસે ઝડપી પાડયો છે.
મોરબી સિટી એ ડિવિઝન પોલીસ સ્ટેશનનો સર્વેલસ સ્ટાફ શોભેશ્વર રોડના નાકા પાસે વાહન ચેકીંગમાં હોય તે દરમ્યાન એક શંકાસ્પદ મોટરસાયકલ જોવામાં આવેલ જેથી હાજર સર્વેલન્સ સ્ટાફે મોટરસાયકલ ચાલક ઇસમને રોકી ઇસમ પાસે મોટરસાયકલના કાગળો માંગતા નહી હોવાનુ જણાવતા હોય જેથી સાથેના પોલીસ કોન્સ્ટેબલે પોકેટ કોપ મોબાઇલ એપ્લીકેશનમા નંબર સર્ચ કરી જોતા મોટરસાયકલ ના રજીસ્ટર નંબર- GJ-03- EH-5007 જેના માલીક મહેન્દ્રસિંહ જામભા ઝાલા રહે-પીપળી તા.જી.મોરબી નાઓના નામનુ જણાઇ આવતા જે મો.સા. બાબતે ખાત્રી કરતા મોરબી સીટી બી ડિવીજન પોલીસ સ્ટેશનમાં ચોરીમા ગયેલ હોવાનું જણાઇ આવતા કાયદેસરની કાર્યવાહી કરી આરોપીની સઘન પુછપરછ કરતા મોરબીમા આવેલ સમર્પણ હોસ્પિટલ પાસેથી ચોરી કરેલ હોવાની કબુલાત આપેલ તેમજ અન્ય ચાર જેટલા મો.સા. ચોરી કરેલ હોવાની કબુલાત આપતા બીજા ચાર મો.સા. કબ્જે કરી આરોપી શક્તિભાઇ સુખાભાઇ કેશાભાઇ વીંછીયા ઉ.વ.૨૦ રહે- ગામ કુડા તા.ધ્રાગધ્રા જી. સુરેંદ્રનગરવાળા વિરૂધ્ધ કાયદેશરની કાર્યવાહી કરેલ છે.
