મોરબીની વિશી હાઇસ્કૂલમાં મશ્કરી કરતા વિદ્યાર્થીઓ ઝઘડ્યા; બે સામે ફરીયાદ
મોરબી: મોરબીની વિશી હાઇસ્કૂલમાં યુવકનો દિકરો પોતાની સાથે અભ્યાસ કરતા મિત્ર સાથે મશ્કરી કરતો જે બે વિદ્યાર્થીઓને સારૂ નહી લાગતા યુવકના દિકરાને ઢીકાપાટુનો મારમાર્યો હોવાની મોરબી સીટી એ ડીવીઝન પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ મોરબીના રફાળેશ્વર ગામે સોનલ સોસાયટીમાં રહેતા અશોકભાઇ જેસીંગભાઈ અઘારા (ઉ.વ.૪૨) એ આરોપી ધોરણ -૧૧મા અભ્યાસ કરતા બે વિદ્યાર્થીઓ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીના દિકરા પોતાની સાથે અભ્યાસ કરતા પોતાના મિત્ર સાથે મશ્કરી કરતા હોય જે બે વિદ્યાર્થીઓને સારુ ન લાગતા ફરીયાદિના દીકરાને ગાળો આપી ઢીકા મારી હાથમાં પહેરવાનુ કડુ કપાળના ભાગે માર્યું હોવાની ફરીયાદ નોંધાવતા પોલીસે આગળની કાર્યવાહી હાથ ધરી છે.
