સાબરકાંઠા જિલ્લાના ઈડર વિસ્તારમાં ચોરીના ગુનામાં નાસતો ફરતો ઈસમ હળવદથી ઝડપાયો
મોરબી: સાબકાંઠા જિલ્લાના ઇડર પોલીસ સ્ટેશનમાં વિશ્વાસઘાત છેતરપીંડીના ગુનામાં છેલ્લા બે વર્ષથી નાસતા ફરતા આરોપીને મોરબી પેરોલ ફર્લો સ્કોડ તથા મોરબી ક્રાઇમ બ્રાન્ચે ઝડપી પાડયો છે.
મોરબી એલસીબી તથા પેરોલ ફર્લો સ્કવોડને ખાનગીરાહે બાતમી મળેલ કે, સાબકાંઠા જિલ્લાના ઇડર પોલીસ સ્ટેશનમાં ચોરી/વિશ્વાસઘાતના ગુનામાં નાસતો ફરતો આરોપી રાજેન્દ્રસિંહ દીલીપસિંહ લીંબોલા રહે. ઘનશ્યામપુર વાળો હાલે મોરબી જિલ્લાના હળવદ ટાઉનમાં આવેલ લેકવ્યુ હોટલ પાસે હોવાની ચોકકસ બાતમી મળતા જે બાતમીના આધારે તપાસ કરતા ચોરી / વિશ્વાસઘાતના ગુનામાં નાસતો ફરતો આરોપી રાજેન્દ્રસિંહ દીલીપસિંહ માધુભાઇ લીંબોલા (રાજુપત) ઉ.વ. ૨૯ રહે. ઘનશ્યામપુર રાજપુત શેરીમાં તા.હળવદવાળો મળી આવતા આરોપીને હસ્તગત કરી હળવદ પોલીસ મથકમાં ખાતે લાવી ચોરી / વિશ્વાસઘાતના ગુનામાં B.N.S.S. કલમ- ૩૫(૧),(જે) મુજબ અટક કરી આગળની કાર્યવાહી અર્થે ઇડર પોલીસ સ્ટેશનમાં સોપવા કાર્યવાહી હાથ ધરેલ છે.
