હળવદના ભલગામડા ગામે જુગાર રમતા ત્રણ ઈસમો ઝડપાયાં
હળવદ: હળવદ તાલુકાના ભલગામડા ગામની સીમમાં ઉમેશભાઈ લાભુભાઈ પ્રજાપતિની વાડી પાસે જાહેરમાં તીનપત્તીનો જુગાર રમતા ત્રણ ઈસમોને હળવદ પોલીસે ઝડપી પાડયા છે જ્યારે અન્ય એક ઈસમ સ્થળ પરથી નાસી જતાં પોલીસે તેને ઝડપી પાડવા તપાસ હાથ ધરી છે.
મળતી માહિતી મુજબ હળવદ તાલુકા પોલીસ સ્ટાફ પેટ્રોલીંગમાં હોય તે દરમ્યાન હળવદ તાલુકાના ભલગામડા ગામની સીમમાં ઉમેશભાઈ લાભુભાઈ પ્રજાપતિની વાડી પાસે જાહેરમાં તીનપત્તીનો જુગાર રમતા ત્રણ ઈસમો જાદવભાઈ બાબુભાઈ ઈંદરીયા (ઉ.વ.૪૦), મુકેશભાઈ ધનજીભાઈ દેત્રોજા (ઉ.વ.૪૦), ઉમેશભાઈ લાભુભાઈ પ્રજાપતિ (ઉ.વ.૩૦) રહે. ત્રણે ભલગામડા ગામ તા. હળવદવાળાને રોકડ રકમ રૂ. ૨૨૩૦૦ ના મુદ્દામાલ સાથે ઝડપી પાડયા હતા જ્યારે અન્ય એક ઈસમ બાલો ઉર્ફે નોંઘો લખમણભાઇ ભરવાડ રહે. ભલગામડા તા. હળવદવાળો સ્થળ પરથી નાસી જતા પોલીસે તેને ઝડપી પાડવા તપાસ હાથ ધરી છે તેમજ તમામ આરોપીઓ વિરુદ્ધ જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે.
