પાન કાર્ડ ઘણા નાણાકીય કાર્યોમાં જરૂરી છે જેમ કે બેંક ખાતું ખોલવું, મ્યુચ્યુઅલ ફંડ્સ અથવા શેર બજારમાં રોકાણ કરવું. પણ તમે પાનકાર્ડ વિના રૂ .50,000 થી વધુનો વ્યવહાર કરી શકશો નહીં. જો તમે હજી પાનકાર્ડ બનાવ્યું નથી અને તમારે તાત્કાલિક તેની જરૂર હોય, તો ગભરાવાનું કોઈ કારણ નથી. આધાર કાર્ડ દ્વારા તમે 10 મિનિટથી ઓછા સમયમાં પાન કાર્ડ મેળવી શકો છો.આધાર કાર્ડ દ્વારા તમે તમારું ઇ-પાન કાર્ડ ઓનલાઈન મેળવી શકો છો. આ સુવિધા સંપૂર્ણપણે મફત છે. આ માટે તમારે આવકવેરા વેબસાઇટ પરથી પાનકાર્ડ માટે અરજી કરવાની રહેશે. ઇ-પેન માટે અરજી કરવા માટે તમારે ફક્ત 12 અંકનો આધાર નંબર દાખલ કરવો પડશે. ધ્યાનમાં રાખો કે મોબાઇલ નંબરને આધાર નંબર સાથે જોડવું જરૂરી છે.
સ્ટેપ 1. ઇન્કમટેક્સ વિભાગની ઇ-ફાઇલિંગ વેબસાઇટ www.incometaxindiaefiling.gov.in. પર જાઓ
સ્ટેપ 2. હવે હોમ પેજ પરના ‘Quick Links’ વિભાગ પર જાઓ અને ‘Instant PAN through Aadhaar’ પર ક્લિક કરો.
સ્ટેપ 3. પછી ‘Get New PAN’ ની લિંક પર ક્લિક કરો. આ તમને ઇન્સ્ટન્ટ પાન વિનંતી વેબપેજ પર લઈ જશે.
સ્ટેપ 4 . હવે તમારો આધાર નંબર અને કેપ્ચા કોડ દાખલ કરીને કનફોર્મ કરો.
સ્ટેપ 5. હવે ‘Generate Aadhar OTP’ પર ક્લિક કરો. તમને રજિસ્ટર્ડ મોબાઈલ નંબર પર ઓટીપી મળશે.
સ્ટેપ 6. ટેક્સ્ટ બોક્સમાં ઓટીપી દાખલ કરો અને ‘Validate Aadhaar OTP’ પર ક્લિક કરો. આ પછી, ‘Continue’ બટન પર ક્લિક કરો.
સ્ટેપ 7. હવે તમને પાન વિનંતી સબમિશન પૃષ્ઠ પર રીડાયરેક્ટ કરવામાં આવશે, અહીં તમારે તમારી આધાર વિગતોની પુષ્ટિ કરવી પડશે અને નિયમો અને શરતો સ્વીકારવી પડશે.
સ્ટેપ 8. આ પછી, ‘Submit PAN Request’ પર ક્લિક કરો.
સ્ટેપ 9. હવે આ પછી, નોંધણી નંબર જનરેટ થશે. તમે આ એકનોવલેજમેન્ટ નંબરને નોંધી લો.
પાનકાર્ડ ડાઉનલોડ કરવાની પ્રક્રિયા
આ માટે તમારે આવકવેરા વિભાગની ઇ-ફાઇલિંગ વેબસાઇટના હોમપેજ પરના ‘Quick Links’ વિભાગમાં જવું પડશે અને ‘Instant PAN through Aadhaar’ પર ક્લિક કરવું પડશે. આ પછી તમે અહીં ‘ચેક સ્ટેટસ / ડાઉનલોડ પેન’ બટન પર ક્લિક કરો. અહીં તમે આધાર નંબર અને કેપ્ચા કોડ દાખલ કરીને તમારા પાન કાર્ડની સ્થિતિ ચકાસી શકો છો. ઉપરાંત તમે અહીંથી તમારું પાનકાર્ડ ડાઉનલોડ કરી શકો છો.
