મોરબીમાં જુગાર રમતા મહિલા સહિત ચાર ઈસમો ઝડપાયાં
મોરબી : મોરબીના યમુનાનગરમા શેરી નં -૦૩ માં રોડ ઉપર સ્ટ્રીટ લાઈટના અજવાળે જાહેરમાં તીનપત્તીનો જુગાર રમતા ત્રણ મહિલા સહિત ચાર ઈસમોને મોરબી સીટી બી ડિવિઝન પોલીસે ઝડપી પાડયા છે.
મળતી માહિતી મુજબ મોરબી સિટી બી ડીવીઝન પોલીસ પેટ્રોલિંગમા હોય તે દરમ્યાન પોલીસને ખાનગી રાહે મળેલ બાતમીના આધારે બાતમીવાળી જગ્યાએ રેઇડ કરતા મોરબીના યમુનાનગરમા શેરી નં -૦૩ માં રોડ ઉપર સ્ટ્રીટ લાઈટના અજવાળે જાહેરમાં તીનપત્તીનો જુગાર રમતા ત્રણ મહિલા સહિત ચાર ઈસમો સંજયભાઇ ઉર્ફે ચનો સવજીભાઇ કુવરીયા ઉ.વ.૩૦ રહે. ત્રાજપર અવેળા પાસે મોરબી-૨, અંજુબેન જશુભાઇ ગૌસ્વામી ઉ.વ.૩૦ રહે. દરબાર ગઢ ગ્રીન ચોક પારેખ શેરી મોરબી હાલ રહે. વાવડી રોડ રાધા પાર્ક મોરબી, જયશ્રીબેન દિલીપભાઇ સારલા ઉ.વ.૩૫ રહે. યમુનાનગર શેરી નં-૩ મોરબી, કાંતાબેન ઉર્ફે ખુશીબેન ઇશાભાઇ વકાલીયા ઉ.વ.૪૯ રહે. યમુનાનગર શેરી નં-૩ મોરબીવાળાને રોકડ રકમ રૂ. ૨૦,૫૭૦ના મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે.
