મુસ્કાન વેલ્ફેર સોસાયટી અને પરિશ્રમ ઔષધી વન મોરબી દ્વારા વૃક્ષારોપણ કાર્યક્રમ યોજાયો
મોરબી: મોરબી વાસીઓ માટે ખૂશીની વાત છે કે મોરબીના ખોળે જન્મેલી અને ધીમે ધીમે મોટી થઈ રહેલી મુસ્કાન વેલ્ફેર સોસાયટી દ્વારા કરવામાં આવી રહેલા જનજાગૃતિ અને જનકલ્યાણના કાર્યોની વધી રહેલી મોતીઓની માળામાં એક નવો મોતી ઉમેરવામાં આવ્યો હતો.
જેમાં મુસ્કાન વેલફેર સોસાયટી દ્વારા અને પરિશ્રમ ઔષધિ વન, મોરબીના દેવેન્દ્રભાઈ જાડેજાના સહયોગથી 29 જુલાઈ, 2024 સોમવારના દિવસે મોરબીની જનતાના સારા સ્વાસ્થ્ય માટે મોરબીની ધરતીને 51ઔષધીય છોડોથી શણગારવામાં આવી છે. મુસ્કાન વેલ્ફેર સોસાયટીના સભ્યો દ્વારા 51 ઔષધીય છોડો રોપવામાં આવ્યા છે. વૃક્ષારોપણ તરફ સદસ્યોનો એક વધુુ પગલું છે આમાં તમામ ઔષધીઓ છોડ જેમ કે કાંટા શેરીઓ, પરિજાત, કરણ, મરોડ ફળી, ખારો, ગુગળ, ગુંદા, દેશી જાસુદ, સુગંધી તુલસી, ગરમાળો, સીતાફળ, દેશી બદામ, દેશી મહેંદી, કળાથો, અર્જુન સાદડ, ટગર, બીલી, બંગાળી બાવર, ખાખરો, કલ્પવૃક્ષ, જેવા ઘણા એવા 51 છોડવાનું રોપાણ કરવામાં આવ્યું છે.
તેમજ દેવેન્દ્રભાઈ જાડેજાએ સદસ્યોને આ વિવિધ છોડો વિશે માહિતી પણ પ્રદાન કરી હતી. કયા છોડ કઈ રીતે આપડી લાઇફમાં ઉપયોગી છે તેના વિશે જાણકારી પૂરી પાડી હતી .મુસ્કાન વેલ્ફેર સોસાયટીના સભ્યો આવા કાર્યો કરી મોરબીની જનતા માટે કંઈક સારું કરવા માંગે છે સાથે જનતાને પણ અનુરોધ કરે છે કે તમે તમારા આસપાસની જગ્યામાં એક એક છોડ વાવીને એને તમારા છોકરાની જેમ ઉછેર કરજો અને મોરબીની હવાને સાફ કરવામાં મદદ કરજો અને કોઈપણ સારું કાર્ય આગળ લઈ જવું હોય તો સમાજના બધા જ લોકોની પૂરતી જરૂર હોય છે. બધાના સાથ અને સહકાર વગર કોઈ પણ કાર્ય પૂરો કરવો સંભવ નથી.
આ વૃક્ષારોપણ કાર્યક્રમ તડાવીયા હનુમાન મંદિર, સથવારાની વાડીની આગળ,સનાળા બાયપાસ રોડ ઉપર કરવામાં આવ્યો હતો.
