મોરબીમાં રહેણાંક મકાનમાંથી ઈંગ્લીશ દારૂ-બીયરના જથ્થા સાથે એક ઝડપાયો
મોરબી: મોરબીના વીસીપરા ગોર ખીજડીયા મેઈન રોડ ઉપર આરોપીના રહેણાંક મકાનમાંથી ઈંગ્લીશ દારૂ – બીયરની જથ્થા સાથે એક ઈસમને મોરબી સીટી બી ડિવિઝન પોલીસે ઝડપી પાડ્યો છે જ્યારે અન્ય એક શખ્સ સ્થળ પર હાજર ન મળી આવતા પોલીસે તેને ઝડપી પાડવા તપાસ હાથ ધરી છે.
મળતી માહિતી મુજબ મૂળ જામનગર જિલ્લાના જોડિયા તાલુકાના હજામચોરા ગામના વતની અને હાલ મોરબીના વીસીપરા ગોર ખીજડીયા મેઈન રોડ ઉપર રહેતા આરોપી અનીલભાઈ મોહનભાઈ ચૌહાણ (ઉ.વ.૩૫) એ પોતાના કબ્જા ભોગવટા વાળા રહેણાંક મકાનમાં વેચાણ કરવાના ઈરાદાથી રાખેલ ઈંગ્લીશ દારૂની બોટલ નંગ -૮૧ કિં રૂ. ૮૧૦૦ તથા બીયર ટીન નંગ -૩૮ કિં રૂ.૩૮૦૦ તથા મોબાઇલ ફોન નંગ -૦૧ કિં રૂ.૫૦૦૦ મળિ કુલ કિં રૂ.૧૬,૯૦૦ ના મુદ્દામાલ સાથે આરોપી અનીલભાઈ મોહનભાઈ ચૌહાણ રહે. વીસીપરા ગોર ખીજડીયા મેઇન રોડ મોરબીવાળાને મોરબી સીટી બી ડિવિઝન પોલીસે ઝડપી પાડયા છે જ્યારે અન્ય એક ઈસમ મહેબુબભાઈ સુલેમાનભાઈ સુમરા રહે. મોરબી નવલખી રોડ, રણછોડનગર મોરબીવાળો સ્થળ પર હાજર ન મળી આવતા પોલીસે તેને ઝડપી પાડવા તપાસ હાથ ધરી છે તેમજ બંને આરોપીઓ વિરુદ્ધ પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
