ટંકારા: શ્રી સજનપર પ્રા. શાળાનું કોમન એન્ટ્રન્સ ટેસ્ટ (CET-2024) માં ધો-5 અને 8 નું ઝળહળતુ પરીણામ
ટંકારા: ટંકારા તાલુકાના સજનપર ગામની શ્રી સજનપર પ્રાથમિક શાળાનુ કોમન એન્ટ્રન્સ ટેસ્ટ (CET-2024) માં ધો- 5 અને ધો,- 8મા ઝળહળતું પરિણામ મેળવ્યું છે.
ધો- 5 અને ધો-8 માં લેવાયેલ મુખ્યમંત્રી જ્ઞાનસેતુ સ્કોલરશીપ પરીક્ષા અને મુખ્યમંત્રી જ્ઞાનસાધના મેરીટ સ્કોલરશીપ પરીક્ષામાં શ્રી સજનપર પ્રાથમિક શાળાના બાળકોએ શ્રેષ્ઠ પરિણામ મેળવી શાળાનું ગૌરવ વધારેલ છે અને ધો- 5 માં 6 બાળકો ધો- 6 થી12 સુધીની રેસિડેન્સીયલ શાળામાં વિનામૂલ્યે પ્રવેશ માટે લાયક થયા છે જ્યારે ધો.8 માં 10 બાળકો રૂ. 94000 જેટલી સ્કોલરશીપ મેળવવા માટે લાયક થયા છે.
આ તકે શ્રેષ્ઠ પરિણામ મેળવનાર તમામ બાળકો અને આ બાળકોને આખું વર્ષ તૈયારી કરવાનાર તેમના માર્ગદર્શક શિક્ષક વિરામગામા મીનાબેન ડી. અને દેત્રોજા ભારતીબેન પી. ને શાળા પરિવાર અને આચાર્ય અલ્પેશભાઈ પૂજારાએ ખૂબ ખૂબ અભિનંદન પાઠવેલ છે.
