બોલિવૂડ સિંગર શ્રેયા ઘોષાલ અને તેના પતિ શીલાદિત્ય મુખોપાધ્યાય ટૂંક સમયમાં માતા-પિતા બનવા જઈ રહ્યા છે. શ્રેયાએ સોશિયલ મીડિયા પર આ એક સારા સમાચાર આપ્યા છે. તેણે ટ્વિટ કરીને કહ્યું છે કે બેબી શ્રેયાદિત્ય આવી રહ્યું છે. શ્રેયાએ તેના બેબી બમ્પને ફ્લોન્ટ કરતા ફોટો શેર કરતા લખ્યું કે, “બેબી શ્રેયાદિત્ય આવી રહ્યું છે. શીલાદિત્ય અને હું આ સમાચાર તમારી સાથે શેર કરીને ખુબ આનંદ અનુભવ કરી રહયા છીએ. અમારા જીવનના નવા અધ્યાયની સાથે તમારા બધાના પ્રેમ અને આશીર્વાદની જરુર છે.” શ્રેયા ઘોષલનાં માતા બનવાના સમાચારથી ચાહકો ખૂબ જ ખુશ છે અને બોલિવૂડ સ્ટાર્સ યુઝર્સ સાથે કોમેન્ટ કરીને તેમને અભિનંદન આપી રહ્યા છે. ઘણા ચાહકોએ શ્રેયા અને તેના પતિને ઘણી દુઆ પણ આપી છે. શ્રેયાએ 2015 માં શીલાદિત્ય મુખોપાધ્યાય સાથે લગ્ન કર્યા હતા. આ બંને બાળપણથી જ એકબીજાને ઇચ્છતા હતા. તમને જણાવી દઈએ કે તાજેતરમાં ગાયક હર્ષદીપ કૌર અને તેના પતિ મનકિત સિંહે પુત્રનું સ્વાગત કર્યું. હર્ષદીપે થોડા સમય પહેલા પોતાના પતિ સાથે ગર્ભાવસ્થાના ફોટોશૂટની તસવીરો શેર કરી હતી અને કહ્યું હતું કે તેનો પુત્રએ દુનિયામાં કદમ રાખ્યો છે. હર્ષદીપ અને શ્રેયા સિવાય ગાયિકા નીતિ મોહન પણ તેના પહેલા બાળકને આવકારવા માટે તૈયાર છે. ઉલ્લેખનીય છે કે શ્રેયાએ તેની જાતને વ્યસ્ત રાખી હતી. તેણે 2020 માં પોતાના ભાઈ સૌમ્યદીપ સાથે લોકડાઉનમાં સંગીત બનાવ્યું હતું. શ્રેયાએ કહ્યું હતું કે 2020 માં લોકડાઉન થવાને કારણે તેને પરિવાર અને રિયાઝ માટે ઘણો સમય મળ્યો હતો. તેમણે સરળતા સાથે જીવન જીવવાનું શીખ્યું. તે પણ જણાવ્યું કે તેણીને બાગકામ, સફાઈ અને રસોઈ જેવી ખૂબ જ સરળ કામોમાં આનંદ આવે છે.
