માળીયાના જસાપર ગામ નજીક આવેલ ક્રિષ્ના હોટલમાંથી 44 હજારના મતામાલની ચોરી

માળીયા: માળિયા – જામનગર રોડ પર જસાપર ગામની સીમમાં આવેલ ક્રિષ્ના હોટલમાંથી અજાણ્યા ચોર ઈસમ ૪૪,૫૦૦ ના મતામાલની ચોરી કરી લઇ ગયા હોવાની માળિયા (મી) પોલીસ મથકે ફરીયાદ નોંધાઈ છે.

મળતી માહિતી મુજબ માળીયા (મી) તાલુકાના જસાપર ગામે રહેતા માવજીભાઈ સુખાભાઈ ચાવડા (ઉ.વ.૫૨) એ આરોપી અજાણ્યા ચોર ઈસમ વિરુદ્ધ માળિયા મી પોલીસ સ્ટેશનમાં ફરીયાદ નોંધાવી છે કે ગત તા.૨૦-૧૧-૨૦૨૨ થી ૨૧-૧૧-૨૦૨૨ દરમ્યાન કોઈપણ સમયે કોઈ અજાણયા ચોર ઈસમે ફરીયાદીએ પોતાની હોટલની ખુલ્લી ઓસરીમા તેમજ પંચરની છપરીમાં રાખેલ એલ્યુમીનીયમના તપેલા નંગ-૫૦ કિ.રૂ.૧૦,૦૦૦/- ના તથા સ્ટીલની પંજાબી ડીસ નંગ-૨૫ કિ.રૂ.૧૫૦૦/- તથા સ્ટીલની થાળી નંગ-૧૭૫ કિ.રૂ.૩૦૦૦/- તથા સ્ટીલના ગ્લાસ નંગ-૫૦ કિ.રૂ.૧૫૦૦/- તથા સ્ટીલના વાટકા નંગ-૧૫૦ કિ.રૂ.૨૫૦૦/- તથા ટીનની ડોલ નંગ-૦૪ કિ.રૂ.૧૦૦૦/- તેમજ પંચરની છાપરીમાં રાખેલ પંચર કરવાનુ મશીન જીગરીયુ નંગ-૦૧ કિ.રૂ.૮૦૦૦/- તથા ટ્રકની વ્હીલ પ્લેટ હબ સાથે નંગ-૦૪ કિ.રૂ.૫૦૦૦/- તથા લોખંડની સાંકળનુ ટોચન નંગ-૦૧ કિ.રૂ.૫૦૦૦/- તથા લોખંડની ચેનલ નંગ-૧૭ કિ.રૂ.૭૦૦૦/- મળી આશરે કિ.રૂ.૪૪,૫૦૦/- જેટલી માલમતાની કોઈ અજાણ્યા ચોર ઈસમ ચોરી કરી લઈ ગયો હોવાની ભોગ બનનાર માવજીભાઈ એ આરોપી અજાણ્યા ચોર ઈસમ વિરુદ્ધ માળિયા (મી) પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ આઇપીસી કલમ ૩૭૯ મુજબ ગુન્હો નોંધી ધોરણસરની કાર્યવાહી હાથ ધરી છે.