મોરબીના શનાળા રોડ ઉપર આવેલ ગુજરાત હાઉસિંગ બોર્ડમાં પતિ કઈ કામધંધો ન કરતો હોય પત્નીએ કામધંધો કરવાનું કહેતા તેમજ સાસરિયાની ચડામણીથી ઉશ્કેરાયેલા પતિએ પત્નીને ઢીબી નાખી હોવાનો બનાવ સામે આવતા આ બનાવ અંગે પોલીસે હાલ પતિ અને સાસરિયા સામે શારીરિક માનસિક ત્રાસનો ગુન્હો દાખલ કરી આગળની કાર્યવાહી હાથ ધરી છે
મોરબીના શનાળા રોડ ઉપર આવેલ ગુજરાત હાઉસીંગ બોર્ડના એમ-૯૫૫ એ.કે. સહયોગ હોલની સામે સાસરિયું ધરાવતી અને હાલ વીલામંજુલા લખધીરવાસ આર્યસમાજના મંદિરપાસે મોરબી માવતરના ધરે રહેતી ભાવીનીબેન વિશાલભાઈ ચૌહાણ (ઉ.વ.-૩૮) નામની પરિણીતાએ આરોપીઓ વિશાલભાઈ નરેન્દ્રભાઈ ચૌહાણ(પતિ), નરેન્દ્રભાઇ લખધીરભાઇ ચૌહાણ (સસરા), ઈલાબેન નરેન્દ્રભાઇ ચૌહાણ (સાસુ, રહે.-બધા ગુજરાત હાઉસીંગ બોર્ડ શનાળા રોડ એમ-૯૫૫ એ.કે. સહયોગ હોલની સામે મોરબી) સામે મોરબીના મહિલા પોલીસ મથકે ફરિયાદ નોંધાવી છે.
ફરિયાદમાં જણાવ્યા મુજબ આરોપી પતિ કાંઈ કામ ધંધો ન કરતા ફરિયાદીએ તેને કામ ધંધો કરવાનુ કહેતા તેમજ ઘરકામ તથા અન્ય બાબતોએ અવારનવાર પતિએ ફરિયાદીને ગાળો આપી ઢીકાપાટુનો મુઢ્માર મારી તેમજ અન્ય આરોપીઓ સાસુ-સસરાએ ફરિયાદીના પતિને ચડામણી કરી અને ફરિયાદીને મેણાટોણા મારી ગાળો આપી સાથે મળી શારીરિક અને માનસિક દુ:ખ ત્રાસ આપ્યો હોવાનું ફરિયાદમાં જણાવ્યું હતું. આ બનાવની અગાઉ અરજી આવ્યા બાદ મહિલા પોલીસે આ બનાવ અંગે ગુન્હો દાખલ કરી આરોપીઓ સામે ધોરણસરની કાર્યવાહી હાથ ધરી છે.
