શિવ રંજની મ્યુઝિકલ ગ્રુપનું સરાહનીય કાર્ય
ઘોરની આવકમાંથી રોટરીના પ્રોજેક્ટમાં આપ્યો સહકાર.
શિવરંજની મ્યુઝીકલ ગ્રૂપ હળવદ દ્વારા સંગીત સંધ્યા તેમજ ધૂન,ભજન વગેરેનો ધાર્મિક પ્રોગ્રામ કરવામાં આવતો હોય છે.જે કાર્યક્રમમાં થતી ઘોરની રકમ આ ગ્રુપના સભ્યો સેવાકીય પ્રવૃતિઓમાં અને જરૂરિયાતમંદને મદદરૂપ થવા માટે એકઠી કરીને તેનો યોગ્ય જગ્યાએ ધર્માદો કરીને એક ઉમદા અને પ્રસંશનીય કાર્ય કરી રહ્યા છે.
ત્યારે સ્વ:વ્રજલાલ ઈશ્વરભાઈ માકાસણા પુણ્યતિથિએ યોજાયેલ કાર્યક્રમમાં આવેલ 17 હજારની રકમમાંથી 3 હોસ્પિટલ બેડ લઈ આપવામાં આવ્યા હતા.
તેમજ સ્વ:ડાયાલાલ પ્રાગજી ભાઈ પિત્રોડા અને સ્વ: ઊર્મિલાબેન ડાયાલાલ પિત્રોડાને ત્યાંથી આવેલ 8 હજારની રકમમાંથી 6 વોકર, 6 ટોયલેટચેર, 6 બેલેન્સ સ્ટીક તેમજ રોટરી ક્લબ ઓફ હળવદ અને ઇનબૉક્સ કલોથ સંચાલિત ચાલતા કાયમી માનવસેવામાં ઉપયોગી એવા મેડિકલ સાધન વાળા પ્રોજેક્ટમાં વધુ સાધનોની જરૂરિયાત ઉભી થતા 25,000/- રૂપિયાના નવા સાધનો વસાવી આપવામાં આવ્યા હતા.
રવિ પરીખ હળવદ
