મોરબીમાં ફેક આઇડી માંથી ગાળો ભાડનાર સામે આઇટી એક્ટ હેઠળ ગુનો નોંધાયો

સોશિયલ મીડિયામાં ફેક આઇડી બનાવી ફેક મેસેજ કરવાનાં કિસ્સા સામે આવતા હોય છે ત્યારે આજે મોરબી માં ફેક આઇડી માંથી અભદ્ર ભાષામાં બેફામ વાણી વિલાસ કરતા કિસ્સા માં પોલીસ ફરીયાદ થયા નું જાણવા મળ્યું છે મળતી માહિતી મુજબ મોરબીમાં હિન્દુવાદી સંગઠનના અગ્રણીના સોશ્યલ મીડિયા એકાઉન્ટ પર ફેક આઈડી બનાવી અભદ્ર વાણી વિલાસ કરવામાં આવ્યો હોય જે બનાવ મામલે અગ્રણીની પોલીસ ફરિયાદ નોંધી પોલીસે વધુ તપાસ હાથ ધરી છે

મોરબીની વેરાઈ શેરીના રહેવાસી અને ગૌરક્ષક જીલ્લા સંયોજક ચેતનભાઈ ચંદ્રકાંતભાઈ પાટડીયાએ પોલીસ ફરિયાદ નોંધાવી છે કે તેના ઇન્સટાગ્રામ આઈડી પર દીપિકા જોશી નામના ફેક આઈડી પરથી મેસેજ કરવામાં આવ્યા હતા અને અભદ્ર ભાષાનો ઉપયોગ કરી વાણી વિલાસ કરી ગુનો કર્યાની પોલીસ ફરિયાદ નોંધાવી છે મોરબી સીટી એ ડીવીઝન પોલીસે ઇન્સટાગ્રામ આઈડી બનાવનાર અને મદદ કરનાર વિરુદ્ધ આઈટી એક્ટ મુજબ ગુનો નોંધી વધુ તપાસ એ ડીવીઝન પી આઈ જે એમ આલ ચલાવી રહ્યા છે